اقتباااس من القادم
 |
الكاتبه ريناد يوسف |
- عقولك ايه من إهنه ورايح تلبسي من خلجاتي السود الواسعين.. الاسود هيبعد عيونه عنك والوسع مهيخليش عينه تشوف منك حاجه ترغبه فيكي.. ديه اللي فيدي اعملهولك واقولهولك، وعشيه تنامي جاري ففرشتي واني هقول إني عتعب فالليل وانتي عتلافيني ميه ولا تعمليلي حاجه سخنه اشربها، واللي مهيرضاش بكده هقوله يبيت هو جاري بدالك.. وكتها محدش هيبظم.
= وهيحل عني وكتها وينساني؟
- هو من ناحية الحِل فيمكن يحلك هبابه.. أما من ناحية النسيان فمهينساكيش مفيش حد ينسى مرته، وخصوصي لو فجمالك اللي يجيب العاصي تايب.. وديه شاب لساه عيجرب حلاوة الدنيا ومشبعش منيها.. بس خلينا نتحايلوا علي العيون بإننا نتخبوا منيها علي كد مانقدروا حتي لغاية مايفوتوا اليومين دول.
فى وقت آخر مع شخصيات أخري..
- اخدي القرشينات اهم بس إنتي متوكده إنك عميلتي اللازم؟
=عيب عليك ياسيد الناس ديه شغلي.. كل اللي أمرتني بيه حوصول، ولو لقيت غير إكده أني اهه قاعده هروح فين.
- علي العموم ديه هيبان، ولو حصل وبطنها شالت عيال تاني طلوع روحك هيكون على يدي.
= مهتشيلش..ولا هتضني تاني واني قاعده وإنت قاعد وهفكرك بعد سنين لو كنا من الحيين.
في مكان وزمان آخر ومع اشخاص أخري..
- اني لازمن ابعدك عن إهنه إنتي والعيال أني لو جرتلي حاجه متوكد إنك هتعاودي خدامه للكل، ومش بعيد عيالي هما كمان يعاملوهم كيف الخدم.
سكان البيت ديه كلهم قليلين رحمه ومروه وميتآمنوش على بعض إشحال الاغراب اللي فوسطهم.
= بعد الشر عنك، ربنا يعطيك طولة العمر وياخد من عمري ويزود عمرك.. اني من يدك داي ليدك داي ومنين ماتودينا معاك.. بس يعني هتقدر تهمل بلدك اللي إتولدت واتربيت وكبرت فيها واني خابره عشقك ليها كد أيه؟
- عشقي ليكي انتي وعيالي يفوق عشقي لأي حاجه تانيه بقناطير مقنطره.. انتوا اغلي حاجه عندي، ومن بعدكم الطوفان.
أما في مكان وزمان آخر وشخصيات اخرى..
- فيعي فيها واتحكمي واتجبري ماردادك مات وحكمك ربنا علي رقاب العباد.
= افيع ونص وتلات تربع.. وانتي أول وحده هفيع عليها.. داني مغلوله منك غل الزمان.. ومن إهنه ورايح أسمع حسك يبرطم بكلمه ولا يعلي بشتمه مهتشوفيش أي طيب.
= إقربي لمي بس انتي واني اقول علي كل حاجه واقول مين اللي سرق القرشينات وطمرهم وين، واخليكي تتداسي بالبلغ القديمه.
-بلعت ريقها بخوف وقالتلها:
إعملي اللي تعمليه وقولي اللي تقوليه ولا حد هيصدقك.
= اني مهقولش قول اني حداي البينه.. والبينه علي اللي عيدعى يالطاشه ياام يد طويله ياحراميه.
شافت الخوف بان علي ملامحها ووشها غدا اوصفر كيف اللامونه وعرفت إنها ضربتها فمكتل، وإن هي اللي سرقت القرشينات صوح وحلفت لتفضحها قدام الكل.. بس في الوكت المناسب مش دلوك.. بعد متلاعبها هبابه.
أما في مكان آخر وشخصيات أخري..
- والله ديه ظلم اني ليا حداك حقوق وإنت مانع عني حقوقي وهتتشوى فنار جهنم الحمره.
= غوري تك كسر حوقك.. حقوق ايه اللي عتتحدتي عنيها داي ياام قويق انتي.. الحقوق داي مش للي زيك يابومه.
- ليه يعني ناقصني أيه عشان ميبقاليش حقوق، ناقصه يد ولا رجل ولا عين؟
- له يختي مناقصاش حاجه وفيكي اليد والرجل والعين.. وكمل بشرود.. بس يعني هي كل الادين ولا الرجلين ولا العيون!
ماالقرد فيه ادين ورجلين وعيون والغزال فيه برضوا.. هتساوي اللي حدا ديه باللي حدا ديه؟
=ردت عليه بغضب:
اهو إنت علي إكده من يومك تشوف كل الناس غزلان وتاجي عندي اني تشوفني قردة.. مع اني عستهم بحالي وعتسبح كل يوم وعرش كالونيا حريمي ريحتها عتقلب البيت قلب.
= عشمها وعتقلب مصاريني.. شاله تتقلب مصارينك ومصارين الدلاله اللي عتجيبهالك.. ولا هنظلموا الدلاله والريحه ليه؛ يمكن الريحه زينه بس لما عتتخلط بالصماح والسباخ اللي علي جتتك عتعمل الريحه اللي عشمها منك داي.
روحي ربنا يعدمني ريحتك وطلتك وكل حاجه منك يابعيده.
انتظروني في القادم من رواية نفق الجحيم..
بقلم.. ريناد يوسف صاحبة السعادة.
لقراءة الفصل كامل