رواية حب حتي الموت الكاتبه نرمين السعيد
روايه حب حتي الموت
حب حتي الموت
وبعد أقل من ساعه هبط فادي و معه رهف ووضعوا الحقائب داخل السياره وقام بالاتصال على أسر حتي يلحق بهم هو و نور....
فادي : أنته فين يا زفت و لطعني هنتاخر على الطياره
أسر: إيه يا عم فى إيه ما انا فضلت مستنياك علي الغداء ساعتين على ما نزلت
فادي : خلاص هستناك ساعتين وفي داهيه الطياره كده مرضي
أسر : خلاص انا داخل الاسانسير يلا سلام..
وصل اسر إلى فادي معه نور... وضع الحقائب داخل السياره وسط نظرات وضحك كل من يراهم و نور تنظر للاسفل بخجل و اسر يضحك عليها وفادي و رهف مندهشين مما يحدث إلي ان اقتراب منهم احد زملائهم و هو الضابط حسام
حسام : اخيرٍ عرفت اشوفكم بجد كنت هازعل لو ملحقتش ابارك ليكم
اقترب حسام و تصافحه مع أسر و فادي وهناءهم بزواجهم
فادي :الله يبارك فيك عقبال
حسام وهو ينظر إلي رهف التي تمسك بيد فادي
حسام : يسمع منك ربنا
نظره له فادي وجد عينه عليها .. فتح باب السياره وطلبه منها الجلوس داخل السياره
أسر : انت هنا بتعمل إيه؟
حسام : انا كنت بتغداء مع واحد صحبي و داخلت وانته قاعد مع عروستك جيت اسلم عليك لقيتك فجاه قومت و اشتلتها وطلعت من المطعم فقلت بلاش اجي وراك و ارخم عليك
أسر :ههههه شاطر كده حبيبى
نور بخجل : انا هقعد في العربيه على ما تخلصوا .. الشمس جيه في عيني
اسر ـ ماشي يا حبيبتي روحي
فادي :هههه انا كده عرفت الناس كانت بتبص عليكم وانتم نزالين وبيضحكوا طلت مش سهل يا اسر هههه
غمز له أسر: طبعاً
حسام ينظر علي رهف ولا يراد ان يبعد نظره وفادى هيموت من الغيره
حسام : اسبكم انا ..شكلكم مستعجلين يلا الف مبروك مره ثانيه
اسر :الله يبارك فيك سلام
و دع اسر حسام ثم ذهب صعد ب السياره بجوار نور اما فادي ف ماده يده إليحسام وهو لايزال نظره على رهف وضع يدي بيده ثم اضغط عليها بشده تألم حسام
حسام : آه في إيه يا فادي حد يسلم كده
فادي بحده : معلش مكنتش اعرف انك طري كده .. سلام هروح ل مراتي
حسام : طري ده انا
لم يرد عليه فادي و تركه و ذهب إلي السياره و جلس بجوار رهف و أمر السائق أن يذهب سريعا تحركت السيارات بالاحياء متوجه إلي المطار ...
داخل سيارة اسر كان يضحك و هو يغازل نور و هي تخفي وجهها بصدره يخجل...
اما ب سيارة فادي فلا يوجد غير الصمت رهف تنظر له بتعجب بسبب حالته فهو صامت و علامات الغضب واضحه علي معالم وجهه سألت نفسها ترا ماذا حدث ليتحول هكذا لقد كان يضحك معها منذ قليل اقتراب منه و توسدات كاتفه و لفت زراعها حول زراعه و تحدثت بنبره هادئة...
: حبيبى ماله ..اتغيرت مره واحده كده ليه فيك إيه يا فادي؟
فادي يضيق: مفيش حاجة.. بصي هاقولك علي حاجه و تنفيذها من غير أسأله لما تلاقي حد جاي يسلم عليا او حد وقفني و بيكلمني في لحظه تختفي و ما تسلميش على حد وما تهزريش مع خد و لو الظروف حكمت اوي انك تقفي عينك تبقي عليا
رهف : طب ما انا دائما عيني عليك انته بس إيه الجديد بقي ... يعني ايه اللي حصل و خالك تقول كده و لو ماقولتش بجد هزعل
فادي : مفيش حاجه هو كده وخلاص اللي بقولك عليه تسمعيه مش كل حاجه تقولي ليه وحصل إيه وعشان إيه انا مش بحب كده في حاجات نتناقش فيه وفي حاجات تقولي حاضر وبس
رهف بابتسامة : حاضر بس متزعلش و تتعصب كده انا بس لو اعرف السبب اللي مخاليك متعصب كده مكنتش سألت
فادي : السبب اني بحبك وبغير عليكي مش بتحمل حد يبصلك أو يلمسك حتي لو لمجرد السلام
رهف : طب ممكن تضحك انا خلاص مش هسلم على حد غير بجد لو مطره وبعد كده السلام بالسان وعيوني عليك تمام كده
فادي بابتسامة : تمام اوي ... بحبك يا رهف
ضحكت رهف : وأنا بموت فيك
وصلوا إلى المطار وصعدوا إلي الطائره و في أقل من ساعه كانوا قد وصلوا مدينة شرم الشيخ و من المطار توجهوا إلي احد فنادق سالم والد فادي...
صعد الأحباء الي غرفهم لاخذ قسط من الراحة...
حل المساء نهبطوا جميعهم و تناولوا العشاء معا ثم توجهوا الي الشط و بدو المشي ك ثنائيات كل حبيب يمسك يد حبيبته و يهمس لها بأجمل كلام الحب و صوت ضحكهم يملأ المكان ...
فادي : بجد انا اسعد واحده في الدنيا كفايه ان انتى مراتي أنا راضي ومبسوط الحمد لله
رهف : انا اللي محظوظه كل الناس بتحسدني اني مراتك عارف يعني إيه ابقي مرات فادي انا نفسي بحسد نفسي عليك انت احسن واحد في الدنيا كلها انت حبيبي وجوزي وابويا واخويا وسندي وظهري وعزوتي وناسي هعوز إيه اكتر من كده
فادي : هنعوز نونو حلو يكمل العيله الجميله دي
رهف : مستعجل على إيه.. لسه بدري على الموضوع ده أقل حاجه سنتين او ثلاثه
Princess N
فادي :اللي هو ازاي يعني ؟
رهف :اللي هو ازاي إيه إيه اللي في كلامي مش مفهوم انا مش عايزه اخلف دلوقتي هنستعجل على ايه لسه العمر طويل و الأيام جايه كتير
فادي بغضب : انتى مش عايزة تخالفي منى انتي بتاخدي حاجه تمنع الحمل انطقي
رهف : ايه اللي انت بتقوله ده ازاي مش عايزه اخلف منك انته عارفه انا بحبك قد ايه واكيد مش هتمنى اخلف من اي حد في الدنيا غيرك و انا و الله مش باخد اي حاجه تمنع الحمل و الموضوع ما جاش في بالي بس ناويه لما ارجع مصر لازم اروح لدكتوره اخذ حاجه لمنع الحمل ...اسلوبك زعلني علي فكره كان ممكن نتناقش باسلوب أحسن
فادي : تمام احنا فيها اتفضلي نقشيني و فهميني ليه عايزه تخلفي ؟!
رهف : مفيش حاجه اسمها مش عايزه لأن انا طبعاً عايزه و بتمنا ده بس زي ما انته بحب سغلك انا كمان بحب شغلي و عايزه اخد وقت اتفرغ فيه ل لتحضير الماجستير والدكتوراه قبل الخلفه لان لما هجيب بيبي هكون مشغوله بيه حاول تفهمني و تستوعب اني عندي هدف عايزه احققه و انته قبل كده ادتني وعد انك هتقف جمبي و مش هتخزلني ها هتخزلني و لا هتنفذ وعدك انا حبه ااجل الخلفه قول موافق عشان خاطري
فادي : مع اني مش موافق و لا مقتنع ب ولا كلمه من اللي انتي قولتيها دي بس امري لله اللي تشوفيه المهم ان انتي تكوني جنبي ومعيا بس مش عايز حاجه تانيه حتى لو مفيش اطفال خالص المهم ان إنتي جنبي
رهف بحب : حبيبي ربنا يخليك ليا وان شاء الله في الوقت المناسب هنخلف بيبي واثنين وعشره لحد ما تزهق خالص وتقولي كفايه
ضحك فادي : عمري في حياتي ما هزهق منك ولا من اولادنا دانا هفضل مستني الوقت ده بفارغ الصبر عشان نخلف طفل يكون ثمرة حبنا
رهف : ان شاء اللّه هيحصل ..ها كده خلاص اتفقنا اول ما هنرجع مصر هاروح للدكتوره ما فيهاش من زعل
فادي بتكشيره : خلاص اللي انتي عايزه
رهف بابتسامة : حبيبي يا فوفو
فادي : مين ياختي لا اتعدلي بدل اعدلك فوفو مين الزفت اللي قدامي ده لو سمع فوفو دي والله العظيم يفضحني في الاداره كلها انا بقولك اهو اسمي فادي لفوفو ولا توتو انا مش صاحبتك فاهمه ال فوفو ال ولما حد يعوزني يقولي تعالى يا فوفو باشا للواء شوشو بيه عايزك
ضحكت رهف :ههههه هههه خلاص متزقش كده أناكنت عايزه ادلعك بس ملكش نصيب
فادي: عايزه تدلعينى تقومي تقوليلي تعاله نطلع الاوضه بتاعتنا ما تقوليش فوفو وشوشو قولتي إيه تيجي نطلع بلا مشي وفرهاده أصلاً احنا ماشيين من ساعه لو نوين توصلوا لآخر البحر ف انا بنسحب و ألغي رحلتي
رهف: ههههه في ايه مالك كده انا كده مبسوطه
فادي: ما انتي فوق في الاوضه هتبقي مبسوطه اكتر يلا بقي هويني
رهف: لا و امشي وانته ساكت
غمز فادي بشقاوه: اسمعي بس الكلام
رهف : ههههه لا
ومره الوقت علي هذا الحال لعب وضحك وحب اسر ونور يسيرون وخلفهم بخطوات فادي ورهف
واذا بثلاث شباب جالسوان علي البحر
الاول : يالهوي على الجمال هو في كده دي عامله و لا العريس العبه و لا صوتها يخربيت الدلع سامع ضحكتها ياض منك ليه؟!
التاني : ضحكه ايه شوف جسمها دي جامده آخر حاجه
الثالث : اتهد منك ليه مش هينفع مش شيفين معاها واحد
الاول: بص علي التانيه اللي ورها هو في كده دي حقيقه ولا بحلم دوال جامدين اوي
الثاني : عندك حق لا مش هنسبهم و اهو حاجه تتري القعده بدل النشفان ده
الثالث : اتهد انته وهو معهم اتنين وكل واحده متعلقه في اللي معها يعني ممكن يحصل مشكله
الاول : لو خايف خاليك انما احنا هنروح
الشاب الثالث : انا خايف عليكم دي كل واحده متعلقه في ايد واحد زي الحيطه دول ممكن يكسروكم
الثاني :علي اساس احنا عيال طريه و هنكسر عادي دانا اكسر الاتنين لواحدي افهم قبل ما تكلم وبالعند فيك خمس دقايق والبنات دي هتكون هنا
الثالث: اغبيه و قولنا عادي كمان عمي مبتشفوش البنات محجبات و لبسهم واسع و اللي معاهم دول ممكن يكونوا مخطوبين ليهم او متجوزين يلا منك ليه خالونا نمشي و بلاش مشاكل و الا هسيبكم و امشي
الاول : غور انت وملكش دعوه
الثاني: ايوه فرقنا يلا بيقربوا أهم
الثالث :انتو احرار ..سلام
ذهب الشاب وترك أصدقائه وبعد قليل بداء الشباب بالقاء الكلام والمعكسات لكي يلفتوا نظر الفتياتين
التفته لهم أسر :انت بتكلم مين؟
الاول: انت مالك انا بقول للقمر ايه داخلك
اسر :انته اجننت انتا بتاعكس مراتي يا حيوان ..
غمز الثاني ل نور : بس مراتك حلوه اوي يا بختك
ترك أسر نور وذهب ل يتشاجر معهم ذهب اليه فادي سريعاً وأخذه بعيداً عنهم
فادي : امشى يا اسر مينفعش تعمل مشاكل وانته معاك مراتك
الاول لفادي : هي التانيه دي بردوا مراتك ولا صحبتك أصلها جامده جداً
الثاني: جامده إيه دي صاروخ الوش ملاك والجسم هلاك
اخذا فادي اسر وذهب وهو في قمت غضبه
اسر : انته ازاي كده مش فاهمك
فادي: قولتك مينفعش تعمل مشكله ومراتك معاك تعاله في مطعم هناك تعالوا نشرب حاجه وبعد كده نروح
اسر :مش عايز زفت
نور ببكاء: انا السبب يارتني ماطلبت منك انك تمشيني كان ملها قعدة الاوتيل
فادي : بس يا نور متعيطيش
رهف بعيون باكيه : خلاص يا نور مش هنتحبس علشان شوية زباله زي دول
أسر : خلاص يا نور متزعلش يلا نروح نشرب حاجه وبعد كده نروح وانتي تتمشي برحتك وطول ما انا جمبك متخفيش
ذهبوا الي المطعم وجالسوا وطلبوا عصير
فادي: انا هجيب حاجه من بره واجي
رهف : حاجة ايه ما احنا لسه جاين من باره
فادي : مش هتاخر وانته يا اسر متتحركش لحد ما اجي متسبهمش لاى ظرف
اسر : ماشي انا هنا اطمن
قبل فادي يد رهف وذهب عائداً إلي المكان الذي يجلس به هؤلاء الشباب
ذهب فادي اليهم ووقف أمامهم: ها سمعوني بقي كنتم بتقولوا إيه اصلي مسمعتش كويس
Princess N
الاول : امشي يا شاطر احسنلك
الثاني : اسمع الكلام بدال ما تكسر مكانك
فادي :ولو ممشتش يا زباله انته و هو
الاوال وقف :لا انت شكلك عايز تترباء مين اللي زباله يلا
رفع فادي يده وسدد الي وجهه عدت ضربات
ظل الثاني مكانه مزهول و ينظر إليصديقه الملقي ارض و وجهه غارق بالدماء
فادي : تعالالي يا كلب انت التاني انت إزاي تتجراء وتبص علي مراتي وتمدح جسمها بلسانك القزر ده
امسكه فادي و بدأ يضربه بمنتهي القسوه لدرجة انه كان يسمع صوت تكسير عظامه و اكتفي بالاخير بتسديد لكمه قصد بها ان يكسر له فك فمه
فادي : كسرتلك ايدك علشان فكرت انها ممكن تلمس مراتي وكسرتلك فكك علشان طول فترة العلاج وانت مش عارف تتكلم تعرف ان اللي يتكلم علي مرات فادي السيوفي هيحصله كده واكتر احمد ربنا اني مستعجل و من غير سلام
بثق عليهم ثم غادر متوجه الي المطعم داخل دون ان يشعر احد و ذهب الي المرحاض و نظف يده من دماء هولاء الاوغاد ثم توجه للخارج حيث تجلس زوجته و تتطلع حولها بغضب
فادي بابتسامة : القمر متعصب ليه إيه هو انا اتاخرت عليكي لدرجادي
رهف : طبعاً اتاخرت كنت فين وفين للحاجه اللي روحت تجبها
فادي :ملقتش طلبي وبطلي اساله انتي مبتتعبيش يلا بينا عشان نرجع انا كلمت الاوتيل و انا جاي و بعتوا العربيات برا
أسر : تمام يلا
نور بنعاس : انا تعبت وعايزه انام بسرعه
رهف بكسل : وانا كمان مبقتش قدره افتح عيني يلا
التفتت الي فادي و هنا ثم لاحظت بقعت دم صغيره علي قميصه امسكت القميش و تحققت انها بقعه دم
رهف : ايه ده ده دم ولسه دالوقتي
أسر: جالك منين الدم ده يا فادي
فادي : مفيش دم ولا حاجه انتم بتهيالكوا
نور: لا ده دم و واضحه أوي
أسر بابتسامة : يا رب يكون اللي في بالي
ضحك فادي: اه هو ارتحت كده
اسر: حبيب قلبي طب مختنيش ليه دانا دمي بيغلي من وقتها
princess N
رهف: هو في ايه متفهمونا بقي ايه الدم ده
نور : انا فهمت انت ضربت الولاد اللي كانوا علي البحر
ضح كأسر: ذكيه زي جوزك ههههه
رهف بلوم : طب ليه يا فادي ليه المشاكل
ضم فادي وجهها :عشان اللي يبصلك انسفه من علي وش الأرض و دي مجرد قرصة ودن عادي يعني انا كنت حنين معاهم يدوب كسرتهم مرضتش اموتهم مع انهم يستهلوا
أسر :ههه طوال عمرك حنين
ضحكوا جميعاً ثم عادوا الي الفندق ومره الأسبوع لعب وحب وعشق ورجع الابطال الى مصر واستقبلهم الاهل والاحباب ومره شهر من رجوعهم القاهره
رهف تقف أمام مراتها تلف حجابها و تستعد لاول يوم عمل من بعد احازه دامت اكثر من شهرين
فادي :انتي راجعه الشغل النهارده
رهف: ايوه و انت مش رايح هتمشي
فادي :لا هنزال بس اوصلك وهرجع اخدك ممنوع ترجعي او تروحي لواحدك انا او اسر او فارس اي حد ربع ممنوع والا مفيش شغل مفهوم
رهف : ليه يعني طوال عمري بروح وبرجع وعندي العربيه بتاعتي
فادي : انا قولت ممنوع واتفقت معاكي في حاجات مافيهاش نقاش
رهف انت كل حاجه عندك مافيهاش نقاش
فادي :بحب اسمع كلمه حاضر قولتي إيه؟
رهفبغيظ مكتوم :حاضر يلا بقي عشان انا اتاخرت
وجات لتقف وقعت مكانها وجلست مره اخري اقترب منه فادي سريعاً بلهفه و خوف
فادي : مالك يا حببتي
رهف : مفيش اكيد ضغطي عالي او ممكن قلت فيتامين انا من زمان ماخدتش فيتامين و لا عملت اي تحليل
فادي: تمام انا هوديكي لدكتوره و هي تكمنا عليكي يلا بينا
رهف : علي اساس انا ريحه فين دالوقتي مش راحه مستشفي وكلها داكاتره
فادي بغيظ : طب اخلصي يا لمضا مش كنتي متأخره
هلط فادي و رهف خلفه القوا التحيه على الجميع و تناولوا الفطور معا ثم رحلوا .....
وصلوا أمام المشفي تزامنن مع وصول اسر و نور القوا التحيه عليهم ...
فادي :انا هدخل معاكي عشان اطمئن عليكي
رهف: لا روح انت نور معيا وبعدين انا بقيت كويسه كانت دوخه بسيطه
نور بابتسامة :اطمئن يا فادي انا معها وبعدين احنا في مستشفى يعني ما تخافش
اسر :خلي بالك من نفسك يا حبيبتي يلا سلام عشان اتاخرت سلام يا رهف وانت يا وحش يلا
فادي: ماشي يلا اسبقنى هناك وانا وراك بعربيتي
رهف: روح انت ما تخافش عليا والله انا هابقى كويسه
فادي: خلاص ابقي طمنيني عليكى سلام
داخلت الفتاتين رهف تشعر بالدوار
رهف: نور انا تعبانه قوي بجد عايزه اروح لدكتوره حاسه بدوخه صعبه بقالي كم يوم دايخه و تعبانه ومش عارفه مالي
نور: والله وانا كمان حاسه اني مرهقه و على طول نايمه أقولك تعالي نروح لدكتور ولاء
رهف :تمام يلا
ذهبت الفتاتين والقيا التحيه على الدكتوره ولاء
وشرحت كل فتاه ما تشعر به للطبيبه
دكتوره ولاء :طب قومي يا رهف اطلعي على السرير
كشفت عليها وعملت لها اشعه سونار
ولاء : خير ما فيش اي حاجه انتي كويسه
ثم طلبت من نورا الصعود إلى فراش الكشف و كشفت عليها أيضاً وعملت لها اشعه سونار ثم تركته وذهبت إلى المكتب و قامت نور و جلست بجوار رهف
الدكتوره ولاء: اطمنوا انتم كويسين مفيش اي حاجه هاكتبلكم شويه فيتامينات تاخدهم بس تختفوا الحركه الفتره اللي جايه دى خلي بالكم كويس الفتره اللي جايه دي عايزه حرص منكم انتم الاثنين
نور: فتره ايه يا دكتوره هو في إيه انا كده قلقت مش اطمنت
ولاء بابتسامة: انا مش قولت أطمنوا اللي انتو فيه ده عادي وبعدين انتم دكاتره وخايفين كده امال الناس العاديه تعمل إيه؟
رهف: انا كمان قلقت هو احنا عندنا إيه؟
ولاء: ما تقلقيش انتي ازاي ما تعرفوش انك حامل وانتى كمان يا نور مبروك حامل
نظرت الفتاتين إلي بعضهم ب فرحه وذهول
نور :بجد انا حامل يعني انا بجد حامل في جوه بيبى
رهف : بس ازاي يا دكتوره معقول الصدفه دي نتجوز في نفس اليوم و كمان نحمل سوا
ضحكت ولاء :عادي يا دكتوره الحمل ممكن يحصل من يوم واحد و الصدفه دي حصلت كتير يلا مبروك عليكم حاولوا ترتاحوا كويس الفتره اللي جايه دي الحركه مطلوبه وبرده الراحه مطلوبه يعني خاليكوا عاقلين أظن كلامي مفهوم
رهف بابتسامه : اكيد طبعاً... شكراً يا دكتوره معلش تعبناكى
ولاء: ما فيش تعب ولا حاجه يا رهف الف مبروك يا حبيبتي وربنا يتمملك على خير و انا هستناكي الاسبوع الجاي عشان اطمئن عليكي هنتابع مع بعض كل اسبوع او 10 ايام و انتي كمان يا نور
نور : احنا تحت امرك و كل يوم قدمك تابعي فينا براحتك ...انا مبسوطه اوي بجد جوايا نونو و هيبقي شبهي و شبه أسر هيفرح اوي بالخبر ده
ضحكت رهف : بعد اذنك يا دكتورة يلا يا مجنونه ال شبهي و شبه هو لسه لحق يبقاله شبه
خرجت الفتاتين إلى الخارج
نور :انا هاتصل بأسر واقوله دلوقتي ده هيفرح اوي
رهف : اسكتي دالوقتي و ركزي معايا احنا لازم نعملهلم مفاجاه
نور: مفاجأة إيه بس انا عايزه اقوله و افرحه مش هقدر استحمل لحد ما نروح
رهف : معلش هما كم ساعه نخلص العزومه و بعدين قوليله
نور :عزومة إيه ؟
رهف : يخربيت فقدان الذكره مش يا بنتي والدك عزمنا النهار عنده بمناسبة الفيلا الجديده اللي اشترها في نفس الكوبوند اللي سكنين فيه
نور: اه وده ماله ومال ده
رهف: ماله طبعاً هو انا بقوال ايه من الصبح انتي الفرحه قصرت علي مخك...اسمعي و ركزي معايا احنا هنروح عند باباكي وتقضي اليوم عادي وبعد كده هنروح كل واحده تقول لجوزها بينها وبينه ويفرحوا مع بعض وبعد كده نبقي نقول للكل لو قولتي ل جوزي دلوقتي هيجي ياخذك و هيروحك ولا هنشتغل ولا اي حاجه وها هنترفد ان شاء الله انا فادي كنا لسه بنتكلم في الموضوع ده واحنا في شرم الشيخ و اتفقنا ناجل الحمل و هو عارف اني النهارده هروح لدكتوره عشان كل توصفلي منع للحمل بس سبحان الله ربنا اراد ان اكون حامل والحمد لله قدر الله وماشاء فعل ها هتاجلي و لا هتتصلي بجوزك
نور : اتصل إيه علي رايك ده مجنون و هيجي ياخدني و انا المفروض اجازتي اخرها امبارح و ضروري ابدا النهارده
رهف :تمام يلا بينا علي شغلنا كفايه تضيع وقت
مره اليوم وجاء اسر وفادي واخذ الفتاتين وذهبوا الى فيلا والد نور و اثناء وضع الطعام لم تقدر ان تحمل الفتاتين رائحه الطعام فجرت كل منهم الى مكان لتستفرغ
ذهب خلفهم فادي واسر للاطمئنا عليهم وجودوا الفتاتين وقفتين و كل واحده تضع يدها على معدتتها اندهش الشابين من الوضع
فادي: مالك يا حبيبتي.. جريتوا ليه وسبتوا الغداء
رهف: مافيش يا حبيبي تعبانه شويه
نور: رهف انا مش قادره اخبي اكثر من كده انا هتموت مبعرفش احتفظ بسر اكتر من ساعه
رهف: اتهدي يا نور كلها ساعتين ونروح
اسر: في ايه نور ما تحكي من امتا بتخبي عليا حاجه سر إيه ده يا حببتي
نور :انا هاحكي بقى واللي يحصل يحصل
فادي: احكي يا نور و قولي رهف مش عايزكي اقولي إيه
نور: لا يا عم انا هاخذ جوزي هاقوله وانت حر مع مراتك
اسر: ما تقولي هنا هو سر من اسرار الحرب متخلوناش نتعصب بقي
نور : و علي إيه ياخويا مستعجل اوي طب خد عندك انا حامل و هابقى ماما وانت هتبقى بابا ...ياااا كنت هموت لو كتمت الكلام اكتر من كده
أسر بفرحه ضمها :مبروك يا حبيبه قلبي اخس عليكي بقي ده خبر تخبيه عني
نور: الله يبارك فيك يا حياتي حقك عليا
فادي :مبروك يا اسر مبروك يا نور ...انتي مكنتيش عايزها تقول ليه؟
نور: اصل رهف
صمتت بسبب نظرت رهف الغاضبه منها
فادي: اتكلمي يا نور في إيه رهف مالها
نور :يا عم انا مليش دعوه انت حر مع مراتك
فادي: ما تنطقي في ايه قلقتيني متعصبنيش انت عارف ان انا بتعصب بسرعه
رهف: اصل بصراحه يا فادي بصراحه انا كنت هاقولك
فادي : طب ما تنطقي بجد بدات اتعصب نور حامل وانتي ماكنتيش عايزاها تقول ودلوقتي تقولي الصراحه الصراحه ما تقولي اللي عندك على طول
رهف: ما تزقش كده بصراحه انا كمان حامل
وقف مكانه دون اي ردت فعل ...
ضحك أسر: مبروك يا فادي
فادي : الله يبارك فيك
ذهب الى رهف ظل يقبل خدها ويقبل يدها و البسمه على وجهه
فادي: كنتي عايزك تخبي عليا بجد انا فرحان اوي فرحان يا رهف
رهف: مكنش قصدي اخبي عليك كنت عايزه اعملهلك مفاجاه واحنا لوحدنا
فادي: لوحدينا ولا معنا حد الموضوع اللي زي ده بيتقال على طول
رهف :انا اسفه يا حبيبي بس كنت بس عايزه اعملك مفاجأة
فادي :ولا يهمك المهم ان انتي حامل انا سعيد ده احلى يوم في حياتي
ذهبوا واخبروا الجميع بخبر الحمل ومرت اول خمس شهور من الحمل على خير وسط فرحه وسرور من الجميع
يتبع
لقراءة الفصل التاسع
لقراءة. الفصل السابق