رواية عشق المصراويه بقلم نرمين السعيد
رواية عشق المصراويه
رواية_عشق_المصراويه بقلمى_برنسسN
لا تنسوا الصلاة على سيدنا محمد وعلى آله وصحبه أجمعين
هلال : آسف يا حضرات علي الاطاله اه و تعطيل أعمالكم بس مادي كمان أعمالكم
رقيه : آه أعمالكم
ضحك الجميع
بدأ عرض الوصيه كان محسن يجلس علي الكرسي و يظهر عليه أعراض المرض
محسن : بسم الله الرحمن الرحيم اولاً انا بطلب منكم تسمحوني انا مش عارف أبدا منين بس انا بعتذرلكم... لما تشوفوا الفديوا ده أو الوصيه انا هكون خلاص عند ربنا كان نفسي اعتذرمن اخويا صالح و اطلب منه يسامحني بس هو سابقني معرفش هتشوفوا الوصيه دي امتا انا اكتشفت من شهرين اني عندي مرض خطير و ملوش علاج بس الحمد لله انا حالتي متاخره جداً و رضي بقضاء الله المهم أبدا بمين اكيد ب اخويا الكبير اسماعيل بعد موت اخويا صالح انت كبير العيله عارف اني غلط معاك كتير مع انك الوحيد اللي عمره ما زعلني بس حبك و احترامك ل صالح و طاعتك ليه و دفاعك عنه كنت بحس منهم انك ضدي مع انك قولتلى كتير انك معيا انا و مش موفق علي قررات أبويا و صالح حقك عليا ياخويا الغضب عمي عيني و قلبي انا سايبلك رساله أكيد الاستاذ هلال ادهالك دالوقتي دور اكتر حد تعب بسببي و عاشوا أكبر معانه و هما بناتي تماره و رقيه و أميره و عبير عارف أن مهما قولت مش هكفر عن الظلم اللي شوفتوا بسببي اتحرمتوا من حب الأم و انكم تعيشوا حياة مستقره زي اصحبكم بس و الله انا بحبكوا اوي... تماره انتى بتحديد يمكن مظلمتكيش زيهم لان ممتك ماتت و ده كان قضاء ربنا رقيه ممتك هي السبب يا رقيه عندها و عصبيتها اللي انتي اخدتيهم منها زي ما اختي لون عنيها كنت بحس اني ضعيف قدمها بسبب شخصيتها القويه عارف ان اللي بقوله ده غباء و مش مبرر اني انا اللي غلطان فعلاً ست زي امك تتحب مش تطلق بس هي كانت بتوجهني ب نقطة ضعفي و انا فعلاً كنت ضعيف هي ست قويه مثاليه و كانت تستحق حد أحسن مني انا مش هكدب علي نفسى و انا في آخر أيامي الغضب عما قلبي و خالني احرمك منها هي حولت كتير توصلك بس انا كنت بمنعها و سببتلها مشاكل كتير لحد ما أهلها منعوها من نزول مصر آسف يا رقيه
هنا كانت الفتيات يبكون حتي رقيه القوية لم تتمالك دموعها مهما ظلمها و قسا عليها و لكن بالأخير هو الأب ياساده الأب الذي تركهم منذو شهور و حرموا حتى من وجوده معهم و الآن يجلس امامهم يعتذر بعد موته
محسن : اميرة بنتي التالته ضحكت البيت الشقية بحبك يا ميرو و الله بحبك اوى انتي كمان اتظلمتي و اتحرمتي من ممتك و انتي لسه صغيره ممتك كانت أطيب حد قبلته في حياتي بس انا مكنتش طيب معها ظلمتها حتي اني ضربتها قسيت عليها كتير بس ارتاحت مني و هي دالوقتي عايشه كويسة علي فكره انا عارف انك بتشوفيها و بتقبليها ديماً حتي انك بتخدي اخوتك و تروحوا عندها على طول
نظرت الفتايات ل بعضهم بصدمه
ضحك محسن و هو يتخيل ردت فعلهم : ههه متستغربوش انتو اه شخصيتكم قوية بس مبتعرفوش تكدبوا و بذات انتي يا رقيه لما تفكري تكدبي عيونك بتقول الحقيقه و هي بتحاول تهرب مني و جبينك بيعرق هههه... انا مش زعلان منكم علشان كده مقولتش لحد فيكم اني عارف سامحيني و اطلبي من ممتك تسمحني ماشي يا ميرو
أميره ب بكاء : ok يا بابي
محسن : ههه اكيد قولتي okيا بابي هههه عارفك... نجي بقا لآخر العنقود الملاك اللي نور حياتي بيرو عبير قلب بابا و روحى النسخه التانيه من اختها الكبيره بس بعيوطه هههه مش زي تماره القطر هههههه سوري يا تيمو بس اتحكمي في عصبيتك شوية لسانك صعب اوي و لما تتعصبي بتقولي كلام دبش ههههه بس عارفه بموت من الضحك عليكي لما بتخافي من رقيه ههه بيقا شكلك فظيع و انتي الكبيره و بتخافي من اللي أصغر منك و السوسه اميره بتوقع بنكم ههه طبعاً مستغربين ازاي انا عارف عنكم كل ده انا كنت اب قاسي بس مش مهمل يعني عارف كل بنت فيكم بتفكر في إيه و بتحب إيه و متابع كل تصرفتكم و هزاركم بس من غير ما تحسوا المهم .. بيرو سامحيني يا ملاكى انتي اكتر واحده اتظلمت انتي حتي متعرفيش شكل أمك لاني اخدتك منها يوم ما اتولتي ممتك كانت حساسه زيك دموعها قريبه بس مش ذكيه زيك كان قلبها اللي بيحركها مش عقلها كانت عاطفيه جداً زي تماره و أميره اخواتك قلبهم هو اللي بيتحكم فيهم عكسك انتي و رقيه العقل عندكو رقم واحد المهم انا معرفش حاجه عن ممتك غير انها اتصلحت مع أهلها لانهم كانوا زعلانين منها انها اتجوزتني و مقطعنها لأن اتجوزت واحد سبق له و اتجوز اكتر من مره و عنده تلت بنات و كان شرطهم انها تجوز ابن عمها و تسافر معه و الا يفضلوا مقطعنها طبعاً وافقت لان انا طلقتها و اخدتك و هي شافت و عرفت انا ازاي منعت ام رقيه و ام أميره انهم يشوفوا او يخدوا اخواتك فجابت من الاخر و خلصت العده و اتجوزت و سافرت معرفش عنها غير كده و بنسبة لصورها عارف انك كنتي بتبكي كتير و نفسك حتي تشوفي صورتها في مكتبي في الفيلا هتلقي صور ممتك و صور كل امهاتكم محتفظ بيهم... آخر كلامي سمحوني يا بناتي و وصيتي ليكم و للكل انكم تعيشوا في بيت واحد سوا بيت العيله او فيلا القاهره و ده لمده سنه و بعد كده يتوزع الميراث غير كده كل املاكي تروح للأعمال الخيريه بنتي عبير تحت وصية إسماعيل أخويا و من بعده مهاب ابن صالح اخويا مهاب خالي بالك من بنات عمك حافظ عليهم بناتي في رقبتك يا مهاب و سامحني يا ابني عارف انك اتعذبت بسببي بس سامحني الاستاذ هلال هيديك رساله اقراها لواحدك و سامحني اه شرط اخير ممنوع اي بنت من بناتي تجوز قبل سنه وده شرط مهم يعني واحد العيله تعيش سوا لمده سنه اتنين مفيش جوز قبل سنه غير كده كل حاجه تروح للاعمال الخيريه الارضي الفيلا الفلوس الشركه كل حاجه انا عملت لكل بنت واديعه تصرف منها و متكسرش قبل سنه و العربيات كل واحده اتكتب باسمها العربية اللي بتحبها و اختم كلامي بعتذار و سلامي للجميع ام مهاب و عز و الست ام سليم و سليم و ياسين و داده سميره انا عملتلك و ديعه باسمك انتي كمان بشكرك علي حبك و اهتمامك ب بناتي.. بناتي حبيبي ادعولي برحمه و سامحوني الوصيه دي موثقه و في نسخه كتابيه الشروط تنفذ دي وصيتي في رقبتك يا اسماعيل..محسن المنشاوي
حاله من الحزن و البكاء من الجميع خرجت رقيه و خلفها تماره و بقيت اميره و عبير بين أحضان عمهم يبكون
******************#بقلم_برنسيسN
خرج الجميع ذهب عز إلى زوجته...
اما مهاب فعاد إلى غرفة المكتب و اغلفه..
جلس مهاب و فتح الرساله📃 إبن أخي الغالى مهاب بعتذرلك علي الوجع اللي سببتولك انا حسس بيك لاني عشت نفس الوجع بسبب ابوك و جدك لما حرموني من حب عمري لا و سفروني بحجه الشغل تخيل يا ابني يضحكوا عليا و يقولولي سافر خلص الشغل أسبوع و تعاله و هنجوزهالك اوجع اسأل عليها يقولون اتجوزت امبارح صبرت اتوجعت و طبعاً انت جربت و عارف بس قولت بدل هي كويسه خلاص بعد جوزها باسبوعين راكب عربيتي القي حببتي قدام بيت جوزها غرقنه في دمها تخيل يا ابني حب عمري حببتي اول دقة قلب غرقنه قدامي في الدم و ميته كل ده ليه علشان مخلتهوش يلمسها و قالتله يطلقها لأنها بتحبني و مش عايزه فضل جوزها يضرب فيها لحد ما ماتت و اتهمها في شرفها بس الطبيب الشرعي أثبت إنها شريفه كانت بنت صغيره اتهورت و حكمت مشاعرها ف راحت ضحايا للمشاعر دى
المهم ابوك ندم و جالي و اعتذر بس لا مقدرتش أقبل اعتذاره قلبى كان قايد نار يا ابني صعب حببتي يخدوها مني لواحد تاني و في الاخر تموت بسببي بردوا بسبب حبها ليا
ابويا كان جبروت متهزش فيه شعره بكل قوته قالى فى داهيه دي بت قليلة ربايه جابت العار ل ناسها
سيبت البيت كرهتهم كرهت ابوك و جدك و نفسي كرهت بنات الأغنياء و الناس اللي بتحسبها بالفلوس و هي فقيره يبقى تجوز فقير قصرو انا عارف اني وجعتك و حرمتك من تماره بس قدامك سنه
سنه يا مهاب اظن كفايه عليك تخالي تماره تحبك و تجوزك في السنه دي و كده ابقي كفرت عن ذنبي سامحني و ادعيلي و خالي بالك منها يا مهاب عمك محسن المنشاوى
جلس مهاب مصدوم من ظلم جده ل عمه ابيه حاول فعل ذالك معه و لكن مهاب لم يصر علي الزوج من تلك الفتاه التي كانت معه بالجامعه و مع إنه كان يعرف لو إنه اصر ل وافق والده مثلما وافق علي زوج عز من هند ولكنه كان يحب تماره و حب زميلاته كان مجرد كذبه حتي يثبت لوالده انه صرف نظره عن ارتباطه ب تماره...
مره اليوم و جاء المساء أهل هند عندها يطمانون عليها غادرو و جلست العائله لقد قرأه اسماعيل الرساله و كانت عباره عن..
اخى العزيز إسماعيل يجب عليك تنفيذ وصيتي اجلس مع بناتي و تحدث معهم أجمع العائله زوج تماره ل مهاب و لكن بعد أن يكسب قلبها انت الوصي علي عبير أبحث لها عن والدتها احتوي رقيه اعرف انها ذات رأس يابس و عنيده و لكنها تحتاج لاب يدعمها زوجها من شخص جدير بها و يستطيع أن يقدر قيمتها شخص حنون عكسي
انا على علم بعلاقة ابنك ياسين من اميره ابنتي ليس منذ زمن فقط منذ يومين عندما ذهبت ل مكان عملها وجدتها تجلس معه تضحك و تتناول الطعام سألت علي إسم الشاب و ذهبت دون ان يروني و تأكدت إنه ابنك و انا موافق عليه اذا كانت تريد الزوج منه أخيراً السيده سميرة هذه السيده أحبت بناتي اكرمها يا اخي سلامي لك يا اخي الحنون دائماً اخوك الصغير ابو البنات مثلما كنت تقول لي البنات أمانه بين يديك أخي احتويهم و عوضهم عن جفائي معهم و لك سلامي محسن المنشاوي
كان هذا مضمون الرساله التي ذهب إسماعيل إلى غرفته و قراءها امام زوجته و زوجة اخيه حليمه ثم هبطوا للاسفل
الجميع يجلسون بصمت
حمحم الحج إسماعيل : اححمم إيه محدش هيكلم.. انتو عايزين إيه يا بنات و قبل ما تقولوا حاجه وصيت ابوكم هتتنفذ و هنعيش سنه مع بعض و مش علشان الورث لا دي وصية ميت و وصية الميت واجبه و انتو معنا من كم يوم و شوفتوا احنا حبناكم ازاى
تماره : أكيد يا عمى و محدش قال غير كده بس إحنا صعب نعيش هنا
سألها مهاب بجديه : ليه يا تماره في الاول و الآخر دى بلدكم و ده بيتكم و اظن اللي كانت بتعمل مشاكل خلاص راحت ل حلها
تماره : مش قصدي على سماح أو اعترض على البلد انا بس بقول لو نعيش في الفيلا بتاعتنا علشان شغلنا انا دكتوره الكام يوم اللي قعتهم هنا عاملينلي مشاكل اد كده في شغلي انا شغلي غير اى حد انا ممكن حالة ولاده تكلمني الفجر الصبح المغرب اى وقت طبعاً مش هقولها استنى لما اجي من الفيوم كم ساعه و اكون عندك مستحيل كده انا هخسر شغلي غير صعب الطريق السوقه مستحيل انا كده انهار بجد صعب
رقيه يضيق : وانا كمان لازم أكون في شغلي الساعه تسعه الصبح هصحا امتا بقي علشان اوصل في الميعاد
اميره : وانا كمان صعب عليه المشوار طب ياسين لما بيبقي عنده محاكمه بدري بيبات في شقة العيله اللي في مصر انا بقا هروح ابات في الفيلا ل واحدي طيب و الخدمين اللي هناك دول مسؤالين عن بيوت ليه نقطع عشهم
#برنسيسN
تماره : لا صعب احنا لو فضلنا هنا حياتنا هتتلغبط و مش هنكون مرتاحين
ساد الصمت ل دقائق دون أن يضيف احد اي كلمه أخرى و ام يقطع ذالك الصمت غير
الحج إسماعيل : البنات عندهم حق بس انا عندي استفسار انتو كده العيشه هنا مش مستحيله يعني الإجازات أو من وقت ل تاني نرجع هنا
تماره بحماس : اكيد طبعاً مش مستحيله
ابتسم الحج إسماعيل : عال اوي
سليم بغضب مكتوم : معني كلامك أنك موفق تروح تعيش فى مصر
نعيمه : ايوه هنروح كلنا دي وصيت ميت يا ابنى
سليم : و شغلنا إحنا إيه واضعه؟
عز : فعلاً الأرض الديوان و الجناين مين هيباشرهم
الحج إسماعيل : كله زي ما هو عادى بصوا انتو صحاب الشغل يعني تيجوا وقت ما تحبه وتمشو وقت ما تحبوا ماحدش هقولك كنت فين وليه مجتش بدري ولا جيتوا متأخر ليه ولا ماشيين ليه انما بنات عمك مش فى حكم نفسهم واحده موظفه فى بنك وده له مواعيد حضور وموعد انصرف والتانية دكتوره ودي في ايديها حياة ناس بين و عندها حق ممكن واحده تولد الصبح ولا بالليل و لا الفجر ولازم تكون قريبه من الناس اللي متابعين معها و أميره بردو عندها حق مش هينفع يكون عندها محكمه الصبح وتبات فى بيتهم لواحدها يعني انتو تقدرو وتروحوا وتيجوا براحتكوا تيجوا الصبح وانتم بتصحوا بدري اساساً تيجوا تشوف شغلكم ولما تخلصوا كل اللي وراءكم وممكن ترجع آخر النهار براحتكم انتم رجاله و ميتخافش عليكوا
مهاب بتأييد: عمي عنده حق.. رايك إيه ياما تروحي
حليمه بابتسامه : و مروحش ليه انا مكاني مكان ما تكونوا
عز : هتسيبي بيتك يا امي من امتا؟
حليمه : بيتي اللي فيه ولادي و انا اللي يهمني راحتكم و انا عارفه انكم مش هيهون عليكم تسببوا بنات عمكم من غير ما توقفوا جمبهم و كمان هناك شركة عمكم محتجاكم مينفعش اللي الراجل شقى و تعب فيه سنين تسبوه للغرب يسرقوه
رقيه : وافق يا عز اصلاً هند محتاجه تغير جو و هتبقي مع تماره هتخلي بالها منها و من صحة نغم
عز بتردد : أخد رأي هند الأول
حليمه _ و هي هند من امتا بترفضلك أمر
عز : دي مفيهاش أمر يا امي مش هامرها تسيب اهلها و بلدها و بيتها و اقولها طيعي بدون نقاش هي اصلاً نفسيتها مش ناقصه ضغط
مهاب : خلاص أطلع خد رأيها
التفت الحج إسماعيل إلى ابنه : ساكت ليه يا سليم مش عايز تعيش في مصر
رقيه : مين ده سليم! لا اوعا يا سليم هزعل منك و الله مش احنا بقينا صحاب.. وافق بليز و مش هتندم العيشه في القاهره جميله داحنا هنخرج و هنولعها دانا نويا اخدك معايا النادي و اتمنظر بيك ع البنات السهوكه اللي هناك و انا متأكده انهم يجوا يقدمولي فروض الولاء عشان اتوسطلهم عندك
#princessN
ضحك الجميع
سليم : ههه لا والله شنطه انا ولا عربيه جديده هتتمنظري بيها
رقيه بابتسامه كبيره : لا ابن عم جديد
ضحك الجميع
سليم : موفق بس من غير فرجه و لا بنات
ضحكت رقيه : هههه خلاص نفرج عليك الشباب
الحج اسماعيل : ههه الله يجذيكي يا رقيه
حليمه؛ ههه سكر عندها إصرار تخلي سليم فرجه و خلاص
نعمه : ههه ايوه ابني حلو طول بعرض هما يطولوا
رقيه : ههه براحه يا طنط نعمه احنا بنجبر بخاطره بس علشان يوفق
الحج إسماعيل : هههه أطلع يا عز خد رأي مراتك و تعاله
صعد عز و تحدث مع هند كانت متردده في البداية و لكن اقتنعت بكلام عز و ان هذه وصية عمه و يجب أن تنفذ و لكن إذا كان لديها مانع فهو لن يجبرها...
ذهب عز و أخبر الجميع بموافقة هند
الحج إسماعيل بابتسامة : علي خيرت الله هنسافر امتا؟
تماره بحماس : بكره الصبح ان شاء الله
عز بقلق : بكره ازاي هند لسه تعبانه
تماره : اطمن هطلبلها اسعاف مجهز يوصلها لحد الفيلا و هي كلها يومين تلاته و هتبقي كويسه و تتحرك عادى
عز بطمنان : تمام انتي اللي تعرفي الصح لحالتها
انتهت الليله سعاده غريبه سكنت قلوب الجميع سوف يعيشون في بيت واحد و يشاركون بكل شئ الالفا و المحبه التي تولدت بداخلهم خلال الأيام القليله الماضيه كانت غريبه و سريعه على عائله من ايام كانوا يجهلون شكل بعضهم و لكن سبحان مقلب القلوب
صباح يوم جديد الجميع في طريقهم إلى القاهره عز مع هند داخل الإسعاف المجهز و صلوا الي المنزل الفخم الخاص ب محسن المنشاوي ...
داخل الجميع المنزل قمه في الجمال و الشياكه و اثاثه يدل على الغنى و الرقى
الداده سميره بسعاده لأنها عادت إلى منزلها : انتو يا بنات نهله هدير انتو يا تاعبين قلبي مخفين فين
خرجت فتاتين بأول العشرينات و ركضوا نحوها وضموها..
نهله : واحشتينا اوي يا ست سميره
هدير : ايه كل ده هما دول بقي اليومين اللي قولتي مش هتغيبي اكتر منهم
سميره : ههه معلش الظروف حكمت انتو كمان وحشتوني يلا طلعوا الشنط و نكمل كلامنا بعدين
افراض الاسره ينظرون ل بعضهم بداهشه بسبب لبس الفتاتين
و الذي كان مثل لبس الخدم في أفلام السينما ف واحده ترتدي قميص ابيض بكم و بنطالون اسود و الأخرى جيبه تحت الركبه سوداء و تشرت ابيض نص كم لقد كانت الفتاتين سعداء بعوده سميره و يتعاملون بتلقائيه
تماره بابتسامة : هنخلص حب واحضان النهارده ولا إيه النظام داده بطلي تدلعي فيهم
نهله : هههه سوري يا دكتوره حمد لله على السلامة
هدير : نورتي يا قمر
ضحكت تماره: ههه دانورك يا دودو يلا بقي طلعوا الشنط و حضرلونا غداء
نهله : دقيقة واحدة و الشنط هتبقي فوق
التفتت سميره نحو الضيوف : اتفضلوا يا جماعه ده بيتكم يعني مش محتاجين اننا نعزم عليكو
حليمه بابتسامة : الله يخاليكي يا زوق
داخل الجميع حيث غرفه الصالون وجالسو
وصل الاسعاف و داخلت هند الغرفه المخصصه لها
مرت ساعه كان قد حان موعد الغداء الجميع جلسون حول مائده الطعام بعد ان بديلوا ثيابهم و هند أيضاً فلقد ملت من الجلوس داخل الغرفه و النوم اندهشت هند من لبس الخدم فملابسهم انيقه بشكل مبالغ فيه غير انهم يتمتعون بقدر من الجمال
هند : هما دول المفروض شغالين هنا!
ردت رقيه التي كانت تاكل بشهيه مفتوحه : ايوه نهله و هدير لو عوزتي اي حاجه تقولهم و هما هيعملوها
ضحكت هند : ههه و الله اتكسف دول حلوين و شيك اوي ازاي اقولها هتيلي ميه و لا جعانه اعمليلي أكل
أميره : ههه هما فعلاً حلوين و طيبين جداً جداً
نعمه : و الله دول لو نزلوا البلد عندنا يفكروهم ممثلين دي البت جسمها علي المسطره ههههه
تماره : نهله يا نهله
جاءت نهله : ايوه يا دكتوره اامري
تماره : حد سأل علينا و احنا مش موجودين
نهله : يوووه كتير جداً من النادي و الدكتور نسيم اتصل الصبح و قال أن تليفونك كان مقفول و قال لما تيجي و ترتحي تكلميه ضرورى جداً جداً جداً
تماره : تمام روحي انتي
عادت تماره ل تناول طعامها
أميره بمشاكسه : ايوه يا عم الاهتمام مبيطلبش و كده الراجل عمال يتصل و انتي تقلانه حقك حد يلاقي الدلع و ميدلعش
#برنسيسN
رقيه : ايوه يا بنتي خدتي بالك لما نهله قالت إنه قالها لما تيجي و ترتاح تبقى تكلمه ناس ليه نسيم و ناس ليها تسمع و تتفرج و بس
ضحت تماره : هههه ده قر ولا حسد
ياسين : هههه الاتنين دول متغضين منك
تماره : علي ايه اديني هعد علي قلبكم سنه كمان
الحج إسماعيل بجديه : تماره مش عايز كلام في الموضوع ده الا لما السنه تخلص دي وصيت ابوكي
رقيه : هو إيه دا ده شرط غريب أصلاً
أميرة : عندك حق ليه بابا قال كده طيب ليه اهو دالوقتي كلنا مطرين نستنا سنه هو عادي بس انه يبقى شرط مريب
رقيه : انا بنسبالي عادي جداً حتي من غير وصيه بس اساساً الشرط مريب و غريب
تنهدت تماره بضيق : اكيد بابا كان عنده سبب ل ده و ان احنا نعيش مع بعض ok دي ممكن افهم سبب ان هو عايز العيله تجمع بس ليه شرط الارتباط و الجواز ده
حمحم سليم : احم ممكن عمي قال كده علشان المفروض اللي هتجوز هتروح بيت جوزها فالعيله هتتفرق تاني بس
مهاب بضيق : فعلاً هو كده
تماره بفضول : اممم طب الظرف اللي بابا ادهولك في إيه؟
الحج اسماعيل : عادي زي الظرف بتاعي خالي بالك من البنات و البنات أمانه عندك لحد ما تسالمهم للي يحافظ عليهم
مهاب : صح هو كده بظبط
رقيه : طيب ما هو قال كل ده في الوصيه و اشمعنا انت و انكل اسماعيل و ليه قالك سامحني يا مهاب هو في إيه بينك و بينه يستدعي انه يطلب السماح منك دون عن ولاد عمك و اخوك
حاولت حليمه إنهاء الحديث بهذا الموضوع : ايه كل الاسئله دي كولي انتي وهي ايه البنات دي اتصرفي معاهم يا ست سميره دول مبيكلوش خالص
سميره : هههه سبيهم عنهم ما أكلوا و لما نهله و هدير يروحوا يبقوا هما يعملوا لنفسهم زي الشطرين
اميره؛ علي ايه انا هاكل اهو ال اعمل لنفسي ال
رقيه : علي رايك كولي يا بنتي داده بقت قاسيه اوى اوى
بعد انتهاء الغداء ذهبوا لراحه بعد ساعات من النوم الجميع بالحديقه يجلسون بجوار حمام السباحه و عبير و عمها و امير ابن عز يجلسون علي المرجوحه الكبيره أمامهم
هند بابتسامة : بيتكو حلو عامل زي الافلام و المسلسلات
حليمه؛ ههه عندك حق و الجنينه حلوه اوي بذات البتاع ده حلو
عز : اسمه بسين يا أمي
حليمه؛ و الله لو عملت إيه معرفش أقولها
نعمه ؛ ليه يا حليمه عادي مش صعبه قولي كده فسييييين
ضحك الجميع
ياسين؛ هههه لا قولي بتاع زي خالتي و خلاص ال فسين ههههه
هنا سمعوا صوت شاب
: حمد لله علي السلامه
وقفت تماره و ذهبت و سلمت عليه و سحبته من يده إليهم و هي تبتسم..
مهاب في قمة غضبه و بداخله عدة اسأله من هذا و كيف داخل و لما هي سعيده بوجوده و الأهم لما تمسك يده
تماره بابتسامة : اعرفكو حضرته الدكتور نسيم ابن خالي
وقف ياسين و تبادل السلام معه بحكم أنهم يعرفون بعضهم من قبل...
تماره ؛ نسيم اعرفك طنط حليمه مرات عمي صالح الله يرحمه و ام مهاب و عز و دي هند مرات عز و دي القمر طنط نعمه تبقي مرات عمي إسماعيل و ام سليم و طبعاً عارف ياسين
نسيم : ههه ولا عمري شوفتوا
ضحك الجميع الا مهاب و سليم ينظرون لبعضهم بقتضاب تبداله الجميع التحيه و جاء اسماعيل و تعرف علي نسيم جلس الجميع
سأله سليم بضيق واضح : و حضرتك دكتور في إيه أن شاء الله؟
لحظه نسيم حدت سليم في الحديث و لكن لم يعلق و رد بهدوء
نسيم بابتسامة : انا دكتور جراح و موعيد في الجامعة و عندي شركه لاستيراد الادوات الطبيه
رقيه بمزاح : اللهم لا حسد عامل زي المشار شابط فى أى مصلحه مبيرحمش
ضحك الجميع
تماره بلوم : رقيه ميصحش عيب كده
نسيم بابتسامة : سبيها عايز ايه يا رقيه؟
رقيه : احم انت ديماً كده حفظني
نسيم؛ ههه آه و هاتي من الآخر
رقيه بتودد : أبداً مفيش هو بس سمعت أنك هتحول فلوس عندنا البنك ده مجرد سمع بس يعني لو حقيقي و انا اللي بقيت المسؤاله عن حسابك قدام مدير البنك بقي و كلمتين حلوين اني اللي قولتلك علي البنك تبقي عسل اوى
نسيم : ههه علي فكره حصل و بعدين مش انتي راحه البنك بكره
رقيه؛ حصل عندي شغل اد كده
نسيم : تمام ظبطيلي بقا الدنيا و الحسابات و في موظف هيجيلك بشيك تودعيه في حسابي اوك
رقيه؛ اوك و نسبتي
نسيم : ههه مين فينا اللي زي المنشار
رقيه : فكك بقي يعني حته من التورته مش تأثر
نسيم؛ تمام عايزه كام
رقيه؛ خمسه في الميه
فزع نيسم؛ نعم لا انا اتعامل مع حد تاني انتي هبله خمسه في الميه لا كتير هما اتنين في الميه كفايه
رقيه؛ و دول احط بيهم بنزين
#برنسسN
نسيم؛ ههه هتحطي بنزين بالفين دولار ههه ليه ركبه طياره
رقيه؛ خلاص يا عم انت هتقر عليهم سيبهم ببركتهم
بعد وقت من الكلام و المزاح بين نسيم و البنات و ياسين و عز و هند مكتفين بالابتسامة اما الباقين فلا يوجد أي منهم متقبل ل وجوده ليس لانه سئ لا هو شاب وسيم مهذب و محترم جداً و لكن هو العقبه في طريق مهاب وقف نسيم و استاذن ليرحيل ذهبت معه تماره لتوصيله ثم عادت
الحج إسماعيل : كويس الشاب ده
رقيه؛ يعني نقول مبروك موفق عليه
الحج إسماعيل بتوتر : احم ايه لا مش قصدي انتي نسيتي السنه اللي ابوكي شرطه
اميره؛ لا طبعاً بس بابا قال جوز مش خطوبه يعني ممكن خطوبه عادي
تماره : لا مش دالوقتي
سميره : ليه لا يا بنتي حرام عليكي الراجل بيحبك
هنا تشنجت بسبب غضبه مهاب امسك سليم كتفه بمعني اهدا
تماره : حتي لو انا متردده مش عارفه
الحج إسماعيل بحذر : لا ازاي تردد يبقي مينفعش لازم تتاكده
رقيه؛ هو ايه دا ما انتي كنتي موفقه و قولتي انه انسب واحد
حليمه؛ خلاص سيبوها برحتها
سميره : ازاي بس يا ست حليمه هي مش صغيره علي الدلع بتاعها ده هتتجوز اما يبقى عندها كم سنه 30 ولا 40 سنه وبعدين ماله الجدع.. شاب زي الفل بسم الله ما شاء الله وابن خالها ونجح في شغله ودكتور زيها و بيدرس في الكليه و رجل اعمال عايزا إيه تاني؟
رقيه : بطلي تفكر بقلبك و شغل الافلام الرومانسيه و انك هتعيشي قصة حب و الجو اللي مبحصلش ده غير في الافلام
اميره : ليه يعني قصدك ان مفيش حب و بعدين انا بأيد تيمو لو مفيش حب متجوزوش
نعمه؛ و انتي مبتحبوهوش يا تماره
تمارا؛ لا بحبه بس عادي ابن خالي مش حب حب يعني زيه زي سليم و مهاب و عز و ياسين
كلماتها التي يجب ان تهدأ من عصبيته جعلته يغضب أكثر هي تعتبره ابن عمها فقط عادي كما قالت
وقف مهاب و غادر دون كلمه لحق به سليم كان مهاب يجلس داخل غرفته داخل سليم
سليم؛ فيك ايه و ليه قمت؟
مهاب بعصبيه : يعني مسمعتش انا بنسبلها عادي
سليم : هي كانت بتكلم عن ابن خالها
مهاب : متجننيش هي قالت زيه زينا و قالت اسمي يعني انا كمان عادي
سليم : طيب و دي فيها إيه
مهاب : اطلع بره يا سليم مش ناقص غبوة هو ايه اللي فيها إيه؟
سليم : اهدا بس و قولي انتا عملت ايه علشان متبقاش عادي بتحبها طيب ما هو كمان بيحبها عايز تجوزها هو بردوا عايز يتجوزها اعمل حاجه تميزك عنه النهارده بنات عمك قالوا حاجه مهمه واحنا على الغداء قالوا الاهتمام ما بيطلبش ودي اكثر حاجه تهم البنات الاهتمام الاحتواء امشي على نفس الخط اللي انت كنت ماشي علية في البلد ارمي همومك عليها اتكلم معها وقرب منها اضحك معها انا عندي فكره كويسه اوي
مهاب بملل : اتحفني ياخويا
سليم : بمناسبه ان احنا في الصيف والجو حر والبنات طالعين من صدامة موت عمك من ثلاث شهور ونفسيتهم تعبانه ايه رايك نروح مصيف و لا بلاش مصيف يعني هتبقى العيله كلها وزحمه ايه رايك تعزمها على العشاء أو تخرجوا تتغدوا سوا تهزر معها كده شغل مخك
مهاب : لا شاطر اعزمها على العشاء ازاي يعني بمناسبه ايه ولا تعالى اتغدى معها بره ازاي
سليم : هو انا اللي هقولَلك على كل حاجه استنها و هي طالعه من شغلها قولها انك كنت رايح تطمن عليها او كنت قريب من العياده بتاعتها او المستشفى اللي شغاله فيها او اي مكان قولها عزمك على الغداء و لو سالتك ليه ما نتغدى في البيت او اي حاجه قل لها انا مخنوق ومحتاج اتكلم لما تروحوا تقعدوا قللها نسيت ابتسم في وشها كده وقلولها اول ما شفت ضحكتك نسيت هاتلها ورد وربنا يقدرنا على فعل الخير
مهاب : هههه لا يا شيخ
سليم : ههه طبعاً احفظ الجمايل دي خدمات مجانية
مهاب : ههه طيب شكراً يا سيدي و ادعيلي بقي نفسي اتجوزها
سليم؛ طيب بس نفسي اعرف انا هستفيد ايه عمال اهديك و انصحك و افكرلك و ادعيلك
مهاب : هههه خلاص ان شاء الله أول عيل هاخلفه هاسميه سليم استفادت بقى ولا ما استفدتش
ضحك سليم و ضموا بعضهم مره اليوم جاء المساء
رقيه مصدومه : ايه اللي انت بتقوليه ده انتي جبتي الكلام ده منين
هدير بعدم فهم :هو ايه ده زي ما حكيت لحضرتك انا كنت داخله علشان انظف فجاه كده لقيت
يتبع