رواية عشق المصراويه الفصل الأول
رواية عشق المصراويه
عشق المصراويه
البارت_الأول
#رواية_عشق_المصراويه #بقلمى_برنسسN
لا تنسوا الصلاة على سيدنا محمد وعلى آله وصحبه أجمعين
#الايك أو النجمه قبل القراءه و رأيكم في التعليقات بعد القراءه أن شاء الله.
داخل السياره تجلس أربع اخوات متوجهين إلى أحد محافظات مصر و هي محافظه الفيوم
زفرت الهواء من فمها بغيظ و قالت من بين أسنانها : يعني كان لازم داده سميره تسبقنا هناك
ردت الأخت الكبيره و التاني تدعي تمارا : ايوه كان لازم علشان تظبط مكان إقامتنا
تشاركت معاهم بالحديث الاخت الثالثه أميره :أقامت إيه هو إحنا هنطول هناك
تنهدت تماره فهي تعلم انها لن تستطيع إنهاء حديث أخواتها : الله أعلم انكل إسماعيل مسافر مع امرأته بتعمل عمليه و هيرجع النهارده
ضحكت رقيه بسخرية : هاههه حلوه انكل اسماعيل دي علي أساس عرفين شكله هو أو باقي العيله الكريمه
أميره بقتضاب : العيب مش فيهم.. السبب بابا هو اللي كان مانع أي تواصل بنا و بينهم
تماره : عندك حق انا شوفت انكل اسماعيل ده كم مره في حياتي و ديماً كان بيتخانق مع بابا بس لما كنت بروح هناك و أنا صغيره قبل ما ماما تموت كانوا بيحبوني أوي و كنت بلعب مع والدهم و كمان انكل صادق الله يرحمه سمعته مره أيام ما كان بابا بيطلق مامت رقيه بيتخانق معه بسبب الطلاق و من كلامه كان راجل كويس بس بابا طرده و معملش احترام انه اخوه الكبير
رقيه بضيق تخفيه خلف ابتسامتها البارده : و هو ابوكي كان بيحترم مين؟ ههه ال اخوه الكبير ال
أميره بحزن و هي تنظر أمامها : الله يرحمه بقي و يسامحه
تحدثت الاخت الصغرى عبير و هي علي وشك البكاء : الله يهديكم غيرو السيره دي بقى مش ناقصين تعب أعصاب هو مات خلاص
رقيه بتفهم ل مشاعر أختها : عندك حق خلاص اهدي
توسدات عبير كاتف اميره التي ضمتها بحب و هب تربت على رأسها بحنان
نظرت رقيه و التي تجلس بالامام بجوار تماره التي تقود السياره...
: تماره انتى تعرفي مين تاني من العيله؟
تماره بابتسامه : هي يعني ذكريات بسيطه من الطفوله عندك يا ستي مرات انكل صادق و مرات انكل إسماعيل و والدهم
أميره : هم عندهم ولاد طب اسمهم إيه و شكلهم إيه؟
تماره : والله اللي انا فاكره ان انكل صادق كان عنده ولد إسمه مهاب و ولد تاني إسمه عز و انكل اسماعيل عند ولد إسمه سليم و كانوا ديماً بيلعبوا معيا و سليم يضربني و مهاب يدافع عني وفي العزاء بتاع بابا مشفتش غير انكل اسماعيل و ابنه سليم ومهاب ابن انكل صادق الله يرحمه و والدته و كان لمده خمس دقائق عزوني و استاذنوا و روحوا
رقيه بتهكم و هي تنطر ل خارج السياره : عزو زي الأغراب و روحوا لا فيهم الخير
لكمتها تماره بغضب : ليكي عين تكلمي الناس مشوا بعد ما سمعوا صوتك و انتي بتزعقي لما داده سميره قالتك تنزلي علشان يعزوكي و ما شاء الله متوصتيش و قعدتي تقولي انا مليش أهل انا مش عايزه حد جاين ليه و عايزين مننا إيه قوللهم يغورو... يلا بقي اد انتي اللي راحلهم برجليكي
ضحكت رقيه : ههه علي أساس عارفين مين اللي كانت بتزعق؟
اميره : ياختتتتي اكيد الشك هيبفي يا انا يا انتي ربنا يسمحك يا شيخه المفروض انك كبيره و عقله دانا الأصغر مستحيل اعمل اللي عملتيه ده دول مهما كان عمنا و ولاده
رقيه بضيق و بردو : هوسسسس عايزه انام داتكم القرف انتم و قريبكم
ضحكت عبير : ههه نامي نامي نوم الظالم عباده
التفتت لها رقيه : نعم بتقولي إيه يا شبر و نص سمعيني؟
ضمت أميره عبير و قالت : متزعقيش فيها كده إيه هو محدش قادر عليكي
رقيه : نعم يا ست اميره عايزه ايه انتي كمان؟
تمارا بنفعال : هوسسسس اخرصوا خالص وصلنا أول البلد يلا حد يكلم داده تبعتلنا حد يقابلنا
قامت اميره بالاتصال بالداده سميره..
و خلال عشر دقائق وصل اليهم الرجل الذي أرسلته لصتحبهم إلى منزل ال #المنشاوي
ساروا خلف سيارة الرجل بسياراتهم و بعد اقل من ربع ساعة من السير ب طرقات القريه و صلوا إلى منزل اعمامهم فتح لهم الحارس الباب ليدلفوا بسيارتهم و عيونهم تتجول يمين و يسار بدهشه من فخامة المنزل و رقي تصميمه فهم ظنوا ان منزل بقريه ريفيه سوف يكون بسيط و يغلب عليه الطابع الريفي مثل ما يروه بالأفلام المصريه القديمه
ترجلوا من السياره وجدو بستقبالهم زوجة عمهم صادق و تدعي #و كان بجوارها داده سميره و سماح زوجة مهاب الابن الأكبر للعائلة و بجوارها هند زوجة عز الابن الثاني ل حليمه رحبوا بالفتيات و داخلوا جميعاً إلى المنزل الذي لا يقل فخامه من الداخل عن فخامته من الخارج
سماح بضيق همسة بجوار إذن هند : مش عارفه طلعولنا منين المسهوكين دول هي المشرحه كانت ناقصه
هند ب طيبه : حرام عليكي يا سماح هما عملولك إيه بس.. دول لسه واصلين
سماح بغيظ: خاليكي كده هبله و غبيه مش شايفه ليبسهم و الشعر السايح علي كتافهم (همسة بمكر) مش خايفه على جوزك منهم البنات حلوه و الشيطان شاطر و محدش يحط البنزين جمب النار
هتفت بها هند بعصبيه و لكن بصوت منخفض : اتقي الله يا سماح إيه كلامك ده دول مهما كانوا بنات عمي محسن الله يرحمه وبعدين انا جوزي استحاله يبص لواحده غيري لو كان على اللبس والحاجات دي انا جوزي راجل متعلم و معاه كليه وراح الجامعه وشاف بنات بتلبس أشكال وألوان ومع ذلك محبش إلا انا يعني لو كان عايز اي واحده بتلبس زي البنات دي ما بتلبس كان أخذها من زمان
سماح بسخريه : عمك محسن ههه إيه هو كان اخو ابوكي و انا مش عرفش
هند بضيق : لا يا سماح بس عم جوزي و له احترمه زي ما بحترم عمي اسماعيل و عمي صادق الله يرحمه
سماح : كلامك ماسخ زيك انا هطلع اتصل ب جوزي و اشوفه فين دالوقتي
هند : طيب روحي بس هما مش هيجوا غير بالليل عز لسه مكلمني
ذهبت سماح بعدما رمقت هند بنظرت حسد و كره ف سماح لم تنجب أما هند فهي حامل ب طفلها الثاني رغم زوج سماح و الذي تخطي العشر سنوات و لكن لم تنجب و لن تستطيع الإنجاب
همست هند بداخلها و هي تنظر إلى معدتها المنتفخه بعد ان رأت نظرت سماح : لا حول ولا قوة الا بالله ربنا يهديكي يا سماح نظرتك بتموتني الله اكبر نظرتك و كرهك ليا صعبه عليا اوى يا سلفتي
أخذت داده سميره الفتيات إلى الأعلى حيث غرفهم كي يأخذوا قسط من الراحه و هذا ما حدث ما ان صعدت الفتيات و لمست أجسادهم الفراش ذهبوا بنوم عميق لم ييقظهم منه غير سميره التي هتفت بهم كي يبدلوا ملابسهم و يهبطوا للاسفل و هم نفذوا كلامها
ارتدت تماره نشرت نصف كم مع بنطال جينز و مثلها رقيه و اميره اما عبير ف ارتدت فستان قصير يصل إلى ما بعد ركبتها بقليل
تحدثت حليمه و هي مبتسمه بحب : أهلاً و سهلاً و الله البيت نور... بسم الله ما شاء الله إيه الجمال ده ربنا يحفظكم
تماره بابتسامة : شكراً يا طنط
ضحكت حليمه : أجمل طنط دي ولا إيه يلا يا صبايا اتفضلوا ع السفره الظاهر ولاد اعمامكم هيتاخروا هناكل إحنا و هما يجوا علي مهلهم
تحدثت داده سميره : لا ازاي يا ست حليمه هنستنا هو ده يصح يوصالوا بسلامه
رقيه بهمس : آه يصح اسكتي انتى انا جعانه
سميره بغيظ : اتلمي يا بت احسن لك انا مش طيقاقي كفايه انك كنتي عايزه تضربي عبير بقي هي دي وصيتي ليكي يا رقيه
رقيه : هي أميره لحقت تقولك عيله فتانه
تماره : هما ولاد اعمامي فين يا طنط
حليمه : راحو يجيبو مرات عمك نعمه و عمك إسماعيل من المطار انتي عارفه انها كانت مسافره عشان تعمل العمليه و لسه راجعه
أميره : تيجي بالسلامة ان شاء الله
حليمه : تعالو نقعد في الجنينه علي ما يجوا
عبير بحماس : ايوه يا ريت الجنينه بتاعكم جميله اوى يا طنط
ضمتها حليمه : انتي الاجمل يا قلبي... يلا يا بنات
خرج الجميع حيث الحديقه ثم توجهوا خلف حليمه حيث توجد الحديقه الخلفيه بعيد عن عيون العمال و الحرس و هى مخصصة ل نساء و رجال العائلة فقط جلس الجميع يضحكون و يتحدثون
حليمه : ههه دمك شربت يا اميره ربنا يحفظك يا بنتي
اميره : شكراً يا طنط انتي اللي عسل و مقابلتك و ضيفتك بجد فوق الوصف
كانت تأكل من الفاكهة و الحلويات التي تملأ الطاوله أمامهم
هند بابتسامه : عيب يا أميره ضيافة إيه بس دا بيتك و لا إيه يا مرات عمى؟
حليمه : طبعاً يا بنتي زي ما هند قالت ده بيتكم
سميره : الله يخالكي و يجبر بخاطرك يا ست الستات
حليمه : و يخاليكي يا طيبه
تحدثت سماح بدون مقدمات : و انتم علي طول بتلبسوا كده
تماره بستفسار : كده إزاي يعنى؟
نظرت لهم سماح بضيق :بنطيل محزقه و قمصان مكشوفه و درعتكم باينه
رقيه بغضب هب منفعله : إيه ده الأسلوب ده ثم انتي مالك انتى نلبس ديق نلبس مكشوف منلبسش خالص يخصك فى إيه انتى؟
#princessN
وقفت حليمه بينهم ل تمنع رقيه عن سماح : خلاص يا رقيه اهدي يا بنتي و انتي يا سماح متدخليش في ليبسهم انتي مالك أصلاً؟
سماح؛ و أنا قولت إيه بس يا عمتي انا بسأل عادي و بعدين ليبسهم ده مينفعش هنا
حليمه : مايخصكيش و ملكيش حكم عليهم اقصري الشر يا بنت اخويا بلاش تنكشي ع المشاكل بمنكاش بطلي طبعك ده
هند تحاول تغير الكلام : الا قوليلي بقي تماره انتي دكتور إيه؟ قصدي تخصصك إيه؟
اجلست تماره اختها و جلست و هي ترد على سؤال هند : انا دكتورة نساء
حليمه : ما شاء الله و انتى يا رقيه بتشتغلي إيه عمك إسماعيل كان قال انك موظفه
رقيه : ايوه انا موظفه في بنك استثماري مشهور في القاهره
هند بإعجاب : ما شاء الله يعني بتشتغلي في بنك و فلوس و كده حلو اوي وانتي يا اميره؟
أميره بابتسامه : أنا محاميه لسه متخرجه السنه اللي فاتت و حالياً بتمرن في مكتب محامي كبير
سماح بتريقه : وانتي يا عبير علي كده سفيره
عبير ببرود : لا وزيرة
ضحك الجميع
حليمه : عسل عسل يا عبير ما شاء الله عليكم يا بنات... مش عارفة ازاي بنات عسلات زيكم و مش مخطوبين ولا متجوزين لحد دالواقتي
تحدثت سميره بابتسامه و كأنها والدتهم : لسه النصيب مجاش لما ربنا يرتد
هند بتلقائيه: انتي صح يا ست سميره لما ربنا يريد و يلاقوا الرجاله اللي تستهلهم و يحبوهم و يجوزو
سماح بسخرية : في إيه يا مدلعه مفكره كل الناس زيك بيتجوز عن حب
اميره : ايوه طبعاً هو في جواز من غير حب
سماح : آه في عادي الحب بيجي بعد الجواز بالعشره
اميره : ممكن بس انا عن نفسي مستحيل اتجوز الا عن حب
رقيه بتهكم : اتوكسي ما هو سيبك بقاله تلت شهور و لا معبرك
اميره بغضب : لا يا حببتي هو مش سيبني ولا حاجه هو والدته تعبانه
حليمه : مين ده يا اميره اوعي يكون شاب تلفان و بيلعب بيكي يا بنتي
قالت اميره بنفي سريع : لا لا أبداً ده شاب محترم جداً اتعرفت عليه في مكتب المحامى اللي بتدرب عنده و هو حد محترم جداً بس حصلتله ظروف و سافر مع والدته علشان تعبانه
هند بابتسامة : بتحبه يا أميره بتحسي بايه لما تكوني معه في مكان واحد
أميرة بابتسامه هيام : بحس معه بالأمان بحس ان ليا ضهر و سند حد بيخاف عليه بجد ديماً يقولي متلبسيش ده متكلميش ده بيخدني علي قد عقلي و في الآخر بيعمل اللي هو عايزه
ختمت حديثها و هي تضحك و كذلك ضحك الجميع
رقيه : ههه نفسي اشوفك و هو عطيكي علي قفاكي و يخلع
اميره بثقة : ريحي نفسك عمر اليوم ده ما هيجي علشان ياسين راجل بجد و اد كلمتة دا حبيبي ولا يمكن يتخاله عني ابداً
هنا اتها صوت من خلفها : وانتي قلبي اللي مستغناش عنها ابداً
صدم الجميع و نظرو لمصدر الصوت هنا وقفت أميره و التفتت لمصدر الصوت و ما ان رأت صاحبه حتى ركضت إليه و ضمته
اميره ببكاء : ياسو واحشتني اوي
ضمها إليه بحب و إشتياق : انتي اكتر يا اميرت قلبي و حياتي
الجميع مندهشون مما يحدث خرجت اميره من بين يديه
اميره : مش مصدقه إني شيفاك
مسح دموعها و هو مبتسم : هتشوفيني و هتصدقي لما تبطلي تعيطي زي الاطفال
اميره بابتسامة : انت واحشتني اوي بس ازاي جيت هنا و عرفت مكاني ازاي؟
ياسين بابتسامه : ده يبقي بيتنا و عرفت مكانك ازاي بصراحه لسه عارف من شويه انك هنا
أميره بدهشه : بيتكم ازاي يعنى؟
تحدثت حليمه : ايه ده يا واد يا ياسين اعوا تكون هي دي المصراويه اللي حكيتلي عنها
ضحك ياسين : ايوه هي يا مرات عمي.. دى اميره
حليمه : سبحان الله من دون البنات و الشباب تحبوا بعض سبحانه رايد يجمع الشمل عن طريقكم
نظره ياسين إلى اميره : انتي بتبصيلي كده ليه؟
اميره : مش فاهمه حاجه انت مين؟
ضحك ياسين : ههه مالك يا ميرو انا ياسين ابن عمك (غمز لها و همس) و حبيبك
اميره بنفس الدهشة : ابن عمي انا و ده ازاي؟.. انت عمرك ما قولتلي حاجه زي دي!
اجابها ياسين ببساطه : ده حقيقي بس عشان مكنتش أعرف غير لما عمي مات و مرضتش اقولك في التليفون قولت لما اشوفك هعرفك كل حاجه
اميره : يعني أسامينا مكنتش تشبه اسماء زي ما كنا فاكرين
ياسين : آه شوفتي بقي لو كنتي قولتي ان والدك أصله من الفيوم و قولتي اسم جدك بدل ما انتي مكتفيه بالقب كنا عرفنا من زمان
أميره بتلقائيه : الحمد لله اني مقولتش كان بابا خلاني اسيبك فوراً
رقيه : إيه كل ده رغي رغي طب سلم ولا خلاص روكي بقت كخه
ضحكه ياسين : ههه كخه بقيتي بيئه اوي و بعدين تعالي هنا انتي بتوحي اختك عليا يا ندله
#برنسسN
ضحكت رقيه : ههه بهزار يا برنس مالك؟
تماره بابتسامه رقيقه مثلها : حمد لله علي السلامه يا ياسين
ياسين : الله يسلمك يا تيمو و انتي يا قزعه مش هتسلمي عليا
عبير مدعيه الزعل : لا زعلانه منك و مش هسلم عليك بس هبوسك بوسه صغيره
ركضت عبير و قبلته
ياسين : انا مقدرش علي زعلك يا ست البنات آسف عارف اني موقصر معاكي بس اوعدك هعوضك و هخدك انتي و اميره و هنروح نتفرج علي البت دي و هي بتضرب
كان يشير على رقيه التي هتفت بحنق : مين يا بابا اهدى على نفسك كده عشان ماقمش اطحنك مكانك لا تقدر تشوف ميرو ولا بيرو ال يشوفني بضرب ال أنت اتهبلت في مخك ولا اتجننت في عقلك دانا روكي
سميره بضيق : يخربيت لسانك يا شيخه تطحني مين عيب كده تعبت و انا بقول عيب و ميصحش
ياسين : سبيها يا داده لما نشوف هتعمل إيه في ماتش الشهر الجاي؟
رقيه بابتسامه : لا طلعت صحبي بجد أنت فاكر
ياسين : طبعاً هو انا واطي زيك
رقيه : انا واطيه و الله لازم تطحن
ركضت روكي خالفه هنا استضمت بشئ صلب رفعت وجهها رأت ثلاث شباب
رقيه بدهشه : أنت جايب بودي جرد عشان يحموك منى يا جبان
حليمه بضحك : هههه لا لا دول مش حرس دول ولادي تعالوا يا ولاد اتعرفوا علي بنات عمكم
داخلوا بتعجب من تلك الفتاه كيف تركض خلف شاب و هي تهدد بضربه لا و الادهي اختي تضمه أين تربيتهم أين الحياء مما يفعلوا
حليمه بابتسامه : ده أبني مهاب الكبير و ده عز و ده سليم إبن عمكم اسماعيل و اخو ياسين و طبعاً عارفين ياسين
ضحكت أميره : ههه ولا عمري شفته
سماح بتهكم : و الاحضان دي كانت إيه؟.. بنات اخر زمن
حليمه بحده : سماح اقطمي الكلام قولت متدخليش في اللي ملكيش فيه
تبادل الجميع السلام ثم جلسوا
#princessN
حليمه : امك عامله إيه يا سليم انا كلمت ابوك من شويه و قال انها هتتحجز في المستشفى ل بكره خير يا ابني هي مش بقت كويسه؟
سليم بصوت رجولي و لكن هادئ : اطمني يا مرات عمي هتبقي كويسه مجرد كشوفات بيطمنوا ان مسافه الرحله ماثرتش علي العمليه
سميره : ربنا يقومهلكم بسلامه يا ابني
سليم : اللهم آمين
سماح : قومي يا حجه سميره خالي الخدم تحط الأكل
رقيه بحده : نعم دا اللي هو ازاي ما تروحي انتي هي مالها؟
سماح : يا سلام أروح انا و الشغاله قاعده هي اساساً إيه اللي مقعدها معنا؟
وقفت تماره و هي تحاول ان تكتم غضبها : الزمي حدودك هي مين اللي شغاله انا بحذرك كله ال داده سميره انا سكتالك من الصبح و انتي عماله تكلمي و ترمي كلام زي السم بس انتي متعرفنيش أنا بسكت و بصبر آه بس لو اتعصبت مش هتكوني مبسوطه من رد فعلى
سميره تحاول تهدات تماره : اهدي بس هي مغلتتش ما انا فعلاً بشتغل عندكم
رقيه بنفعال: داده متعصبنيش إيه الكلام ده؟ انتي مش خدمه عند حد
حليمه : اقعدو يا بنات و انتي يا ست سميره اقعدي
جلس الجميع الشباب كما هم يتابعون بصمت
و أكثرهم سليم الذي كان ينقل نظره بينهم و يطالهم بنظرات غامضة
نقل نظره إلى مهاب يساله التدخل و لان تحدث معه مهاب بلغه العيون قائلاً : أصبر لما نشوف اخترتها بلاش ندخل بين الحريم هتكبر
نقلوا نظرهم إلى الفتيات
حليمه : اتاسفي يلا سماح
سماح : هو إيه ده يا عمتي انا اعتذر ل شغاله
وقفت رقيه بغضب : لأ دانتي لازم تتربي علشان انتي قليله الأدب و غبيه
جات ل تمسك سماح امسكها ياسين : خلاص اهدي يا روكي هي مش قصدها
رقيه : سيبني اربيها الست دي انا اصلاً جبت أخرى منها
سماح : الست نينك جبتي اخرك من مين يا ادلعدي لا اقفي معوج و اكلمي عدل انتي فكرني هخاف منك سيبها يا ياسين
رقيه : شوفت البجاحه ابعد بقي خاليني اربيها
مهاب بهدوء و ثبات : خالصتوا و لا لسه؟
نزلت دموع سماح : شايف يا مهاب مراتك اتهانت ازاي كل ده علشان خدمه
سيلم بحده : هوسسس... اسكتي يا سماح جوزك بيكلم
اميره : هي دي بتحترم حد
ياسين : اميره مسمعش صوتك دالوقتي
اميره بايجاب : حاضر اتكتمت خالص يا ياسين لما نشوف آخرتها
مهاب : سماح
سماح : نعم يا سيد الناس
مهاب : اعتذاري من الست سميره و بوسي رأسها
سماح بعصبيه : نعععم ايه اللي بتقوله ده يا مهاب؟.. هي الاولب نامت و الانصاص قامت و لا إيه؟
مهاب : انتي هتردحيلي يا سماح طيب يا تعتذري يا علي بيت ابوكي لحد ما تتعلمي الأدب
جات ل تتحدث قطعها: كلمه كمان هندمك علي كل حرف و علي صوتك العالى... يلا اتاسفي
وقفت سماح و هي تحاول منع غضبها قبلت رأس سميره : حقك عليا يا ست سميره متزعليش مني
سميره بابتسامه : ولا يهمك يا حببتي انتي زي بناتي انا مش زعلانه
جلست سماح و أيضاً رقيه و ياسين
حليمه : هو انتي عندك بنات يا ست سميره انا كنت سامعه انك ربنا ماكرمكيش بالخلفه
سميره : ده حقيقي بس ربنا عوضني بأربع بنات زي القمر
أشارت إلى الفتيات الاربعه
حليمه بابتسامه : ربنا يخالكي ليهم و تفرحي بيهم و بخلفهم ان شاء الله
سميرة : يا رب و بتحديد تماره و رقيه
رقيه تنظر في الساعه : ياااه يا عبد الصمد دانا اتاخر اوي عندي ميعاد مش مهم
اميره : ميعاد فين هو انتي تعرفي حاجه هنا؟
رقيه بنفي : لا بس لازم الحق ميعادي
ياسين بابتسامه : اجي معاكي
رفعت رقيه أحدا حاجبيها مستفهمه : فين؟
ياسين : الميعاد بتاعك
رقيه : هو انا عندي ميعاد يابني انا الناس اللي اعرفهم في حياتي يتعدوا علي الصوبع ميعاد ايه بس
ضحك الجميع
هند : ههه والله صدقت انك عندك ميعاد
عبير بمكر : ههه انا اللي فهماكي يا روكي عايزه تتهربي من كلام داده عن الجواز
رقيه : بصي يا بيرو يا حبيبتي انتي اختي وحبيبتي اه وانا بحبك وانتي عارفه ده بس ذكائك الزياده عن اللزوم ده و اللي سابق سنك بيعصبني فبلاش انا عشان انتي عارفه ان انا بتعصب بسرعه وانتي مش هتستحملي عصبيتي فلمي لسانك بعيد عني
سميره بغيظ : هتعملي إيه رقيه هتضربيه زي الصبح؟
#برنسسN
رقيه : تشكي في لسانك يا أميره يا رب.. داده حببتي انا مضربتهاش انا بس اتعصبت عليها و حتي لو ضرباتها ما هي اختي الصغيره و عادي
تماره بثبات : تمام انتي صح و أنتى كمان اختي الصغيره ممكن اديكي الامين
رقيه بثبات : انسي انا روكي متخلقش اللي يمد ايدو عليا حتي لو أختي
اميره : هييي خناقه جديده ولع ولع
ضحكت تماره : ههه يا ساتر يا رب تموتي فى الخناقات
حليمه : ههه الله يجزيكم إيه المرستان ده.. هما كده علي طول
سميره : هو حضرتك شفتي حاجه تعالي اتفرج على خناقتهم كل يوم مين اخذت التيشيرت من مين و مين أخذت المكياج بتاع مين لا خناقه علي شنطه او عربيه و طول الوقت داده اميره طردتني من اوضتها داده تماره خدت الأب توب بتاعي داده عبير لعبت في حاجتي و كله ده كوم والوحش الكبير كوم تاني
ضحكت هند : هههه إيه ده انتم مربين وحش
سميره بضحك : هههه آه رقيه وما ادراك ما رقيه المصيبه اللي في حياتي يبقوا تمام اقولهم عايزين حاجه يا بنات لا يا داده احنا كويسين تصبحي على خير يا داده أنزل و يدوب عيني بتغمض خمس دقايق الصويت يشتغل اطلع القي عبير تحت السرير اميره فوق الدولاب تماره بمعجزه عشان نخلص شعرها من أيد رقيه ليه كل ده عشان إيه لا عادي واحده فيهم قالت كلمه عصبت رقيه.. رقيه تسكت لا حرام تتعصب و زي العاده ايدها سبق تفكرها تمسكهم الثلاثه تديهم علقت موت و لا تعمل اعتبار و تقول تماره أختي الكبيره ولا يعني تصعب عليها الصغير عبير جبروت يا بنتي جبروووت
رقيه : هما اللي بيعصبوني
ضحك الجميع
رقيه : مش كفايه تشريد ليا يا داده ولا إيه النظام ثم إيه مصيبه حياتك دي صدقي انتي صح انا وحشه و متتطلبيش مني حاجه تاني عندك تماره العاقله حبيبت قلبك و لا الدلوعه اميره ابقي خاليهم بقي لما تحتجي حاجه يعملهولهالك او ابعتي السندريلا اخر العنقود و من النهارده اعتبروني مش عايش معاكم في البيت بدل انا الوحشه المجنون الجبروت اللي بتضرب اخوتها
سميره : انا قلت كده ده انتي حبيبتي يا رقيه دانا معنديش غيرك.. و الله يا ست حليمه رقيه دي مفيش منها أدب و أخلاق و سمعان كلام
رقيه : و بتنور في الضلمه كملي باقي المميزات ما انا هبله و بيضحك عليا
تحدث عز و هو يضحك : ههه و الله انتم قعدتكم ميتشبعش منها معقول السنين دي كلها عندنا بنات عم قمرات زيكم و منعرفهمش
تحدثت سماح بنبرة ملتوية : عندك حق مش يمكن لو كنت شفتهم كنت اتجوزت واحده منهم و متجوزتش هند
أميره بضيق ضربت كفيها ببعضهم : لا إله إلا الله و ده من إيه ده يا أخت سماح عموماً ريحي نفسك حتي لو كان يعرفنا كان بردو هيتحوز هند لانها حقيقي انسانه محترمه و طيبه
نظرت الي عز و أكملت : بجد يا بختك بيها يا ابن عمي زوق و جمال و بتفهم في الأصول انت متتخيلش ازاي بتتعامل معنا بحب من وقت ما وصلنا و رغم حملها مقصرتش في ضيافتنا بنت أصول بصحيح و ليك حق تحبها داحنا مكملناش كم ساعه و حبناها
طوق عز كتف زوجته ب زرعه و هو يقول : تشكري يا بنت عمي بس انتي عندك حق هند مراتي دي مفيش منها
تماره بابتسامة :ربنا يخاليكم ل بعض و يقومك بسلامه يا هند
هند بمحبه : تسلميلي يا أحلى دكتوره
وقف سليم : طيب يلا نتعشا انتم هتجوعوا بنات عمي يا مرات عمي
حليمه : عندك حق يلا يا بنات علي ما تغسلوا ايديكم يكون الأكل اتحط ع السفره... قدامي يا سماح و انتي كمان يا هند يلا ع المطبخ
تماره : سيبي هند مرتاحه انا هاجي مع حضرتك
هند : لا ازاي انا كويسه خاليكي انتي
تماره : لا ارتاحي و علي فكره انتي عندك انميا لازم تهتمي باكلك و تاخدي فيتامينات
#برنسسN
عز : ايوه الله يخالكي قوللها دي مطلعه عيني
تماره : سبهالي بس اليومين اللي احنا فيهم هنا و انا معنديش دلع في الصحه دي أهم حاجه صحتك
رقيه : طيب مفيش حبه فيتامينات لاختك عضلاتي مريحه خالص
ربتت اميره على ظهرها : هو انتي محتاجه فيتامينات ده انتي عليكي صحه يتعمل منها فيتامينات للناس
رقيه : الله اكبر.. إيه يا حيونه ده بتحسديني يخربيتك و انا بقول مالي كده مش في الفرمه اتاريه من عينك
ضحك الجميع ثم توجهوا إلى الداخل
اجتمعوا حول طاوله الطعام و بدوا بالأكل الا ان الفتيات ظلوا يتطلعون أطباق الطعام دون ان يتناولو شئ و ينقلون نظرهم من وقت إلى آخر إلى سميره
حليمه : في إيه يا بنات ليه مش بتكلوا اوعوا تكونوا قرفانين.. الاكل ده نظيف والله كولوا ما تقرفوش
سميره : مش كده يا ست حليمه هو بس الاكل كله معمول بالسمنه والزيت وهم مش بياكلوا الحاجات دي كل اكلهم أكل صحي بزيت الزيتون و خالي من الدهون و النشويات بتبقي بسيطه
عبير بجوع : بصراحه انا عايزه أكل... تماره ممكن اجرب بليز ريحة الأكل تجنن
امير : وانا الله يخالكي يا تيموا هموت واجرب الأكل ده
رقيه : بنات طفسه داتكم القرف هتتخني يا طفسه منك ليها
سماح : و فيها إيه هي البنت تحلو الا لما تربرب كده و خدودها تورد
رقيه : ت إيه.. اه لا احنا مبنحبش نتخن
سماح : عجبك نفسك كده و انتي عامله زي البنات اللي بتجي في التلفزيون رفيعين و مسخين منظر في الفاضي و حشو مفيش
حمحمت تماره : احمممم بنات اللي عايزه تاكل النهارده فريه بس بكره الصبح في ساعه جرى
أميره بفرح طفولي : تسلميلي يا تيمو و انا موافقه هجري زي ما تحبي
ياسين بمزاح : وانا هجري و راكي
ضحك الجميع
هند : انتم شكلكم تعرفوا بعض من زمان ازاي معرفتش أنها بنت عمك
ياسين : عادي قلنا تشابه اسماء و خصوصاً الهانم مبتحبش تكلم عن عيلتها و كل كلامها عن اخوتها و هي و بس
سليم بجديه : ليه يا بنت عمي متبريه مننا
التفتت له اميره : لا بس انا معرفكوش هتكلم عليكم ازاي؟.. تماره بس اللي تعرفكوا و حتي مش اوي و لما سالنها عن ولاد اعممنا مقلتش حاجه عن ياسين و ذكريتها عنكم عنك انت و مهاب و مش فاكره حد تاني
تماره : لا ازاي طبعاً فكره عز بس كان صغير و مبيحبش يلعب كتير
حليمه بابتسامه : فاكره يا تماره خناقاتك انتي و مهاب و سليم هههه
تماره ب عفويه : ههه طبعاً فكره كان سليم يضربني و مهاب يدافع عني و يقوله محدش يضرب تيمو ابداً
ضحك سليم : ههه ايوه فاكر و مره ضربني علشانك
تماره : ههه فاكر لما و قعك في الارض و هدومك اتبهدالت علشان مرضتش تركبني معاك المرجيحه
حليمه : ههه و يومها سليم مرتحش الا لما جابك من شعرك و بردو مهاب ضربه و قالوا محدش يضرب حببتي ابداً
عند هذه الكلمه توقف الزمن رفع مهاب نظره إليها و تماره أيضاً التقت له ل تتلاقى عيونهم بنظره قصيره
فاقت من شرودها على صوت سميره : تماره تماره.. يا بنتي مالك روحتي فين؟!
تمارا : ها نعم يا داده
سميره : مالك يا قلبي.. كملي اكلك يلا
تماره تحاول جمع افكارها : حاضر يا داده باكل أهو
رقيه : تيمو هو انا ممكن أكل بشامل؟
تماره : آه برحتك بس زي ما قولت التمرين بكره صعب علشان الدهون دي تنزل
هند : ههه وانا كمان محتاجه تمارين
#princessN
عز : تمارين ايه يا هبله انتي حامل و بعدين هو انتي فيكي ايه ما انتي حلوه أهو
تماره : لا طبعاً هتتمرن بس يوجا علشان تصفي زهانها و الإرهاق اللي عندها يروح و ده مفيد للبيبي و في تمرين تانيه علشان تسهل عليها الولاده
هند : انا سمعت حاجه زي دي في التلفزيون
سماح : كله زي عدمه انتي تاكلي و هتبقي زي الجاموسه و تولدي عادي
رقيه : هههه انتي بجد طبيعيه ايه اللي بتقوليه ده في حد يقول لواحده حامل الكلام ده المفروض ترفعي من نفسيتها و تدعميها هي في ايام صعبه و محتاجه دعم و اهتمام
أميره : فعلاً لازم التعامل مع الوحده الحامل يبقى بحساب لان أقل كلمه تجرح مشاعرها وهي في فتره دلوقتي ما بتستحملش اي حاجه واي حاجه بتأثر فيها حتى لو ما قالتش ده بينعكس عليها وينعكس على صحه البيبي
سماح : ايه ده عادي يعني عندنا الواحده بتتهان و بتضرب و بتشتغل في الأرض و تخدم جوزها و كل ده و هي حامل
اميره : omg انتم بتضربوا الحوامل
هند : لا لا طبعاً عمرها حصلت ولا وانا حامل ولا غير كده الحمد لله عز راجل زين و متربي عمره ما زعلني أبداً
تماره : وانتي جوزك بيضربك و انتي حامل
رفع مهاب بصره إلى زوجته التي شعر بكسرتها بسبب سؤال تماره صمت الجميع
حليمه : احممم ربنا ما رزقهمش يا بنتي سماح مخلفتش... الحمد لله قضاء الله
تماره بندم علي جهلها: حقيقي آسفه .. آسفه جداً و الله ما كان قصدي خالص سمحيني يا سماح آسفه صدقيني مكنتش أعرف (نظرت الي مهاب) آسفه يا مهاب
مهاب بابتسامه بسيطه : عادي يا دكتوره انتي مكنتيش تعرفي يلا الكل ياكل كفايه كلام
بالفعل بدأ الجميع في تناول الطعام بصمت و انتهت الليله و ذهب الجميع ل نوم صباح يوم جديد الجميع بنتظار عمهم اسماعيل ل فتح الوصية التي تركها والد الفتيات بارت كبير و عرفنا الشخصيات الاساسيه مستنيه رايكم و توقعتكن يا ترا الوصيه فيها إيه و هل العيله هتجمع و لا لا و هيبعدو تحياتي #برنسسN
#عشق_المصراويه
لقراءة الفصل الثاني
لقراءة رواية نفق الجحيم