رواية عشق المصراويه بقلم نرمين السعيد
رواية عشق المصراويه
عشق المصراويه
صباح يوم جديد استيقظت الفتيات باكراً و ذهبنا لأداء التمرين الرياضية في هذا الوقت استيقظ جميع أفراد العائلة خلف شباك المكتب يقف مهاب و بجواره سليم يشاهدونهم و هم يؤدون تمارينهم
مهاب : ابعت ل أخوك خالينا نعرف منه حكايته إيه هو و بنت عمه؟
سليم : حصل و زمانه جاي
طرق أحدهم الباب إذن مهاب ل الطارق بالدخول بعد أن تاكد انه ياسين
سليم : تعاله يا ياسين.... اقعد عايزك
دخل ياسين و جلس سليم أيضاً
ذهب مهاب و جلس خلف مكتبه : انته كنت فين الصبح بدرى؟
ياسين : كنت بجيب أكل و حاجات ل بنات عمى
سليم بضيق : ليه هو احنا معندناش أكل؟
ياسين بتلقائيه : لا عندنا طبعاً بس هما مش متعودين غير علي الأكل الخفيف و الصحي ف كنت بجبلهم حاجات لزوم اكلهم زيت زيتون سكر بني و غيره من لوازم الاكل هو اللي انا عملته زعلكم في حاجه
بدأ مهاب ينقر ب أصابعه فوق المكتب : لا عادي مفيهاش حاجه و هنزعل ليه؟.. انت صح لازم نكرمهم و نعملهم اللي عايزينه
حمحم ثم أكمل كلامه : احممم إلا قولي يا ياسين انت تعرفهم منين و من امتا دانت حتى عمرك ما جبتلنا سيرتهم؟؟
أبتسم ياسين ساخراً من هذا التحقيق الذي يتم معه: عادي مجتش فرصه وبعدين انا مكنتش اعرف أن هما بنات عمي.. انا اتعرفت على اميره في المكتب من حولي سنه و كانت صدفه
أبتسم و هو يتحدث عنها : هى بنت لطيفه و جميله ومرحه طيبه اوي بتحب اخواتها جداً رغم أن كل بنت فيهم من أم مختلفه انا طبعاً عارف ان عمي اتجوز اكتر من مره و من كل واحده اتجوزها خلف بنت بس مجاش في بالي انهم هما هي كلمتني عنهم بعد كده عزمتني على الغداء في النادي روحت معها اتعرفت عليهم الكلام ده من سنه و احنا نعرف بعض بس كده
نظره سليم نحو مهاب ثم نقل نظره إلى أخيه : هو إيه اللي بس انت مجوبتش ع السؤال
تنهد ياسين بملل : اللي هو إيه السؤال ده؟!
سليم بحده : انت بينك و بين أميره حاجه.. قصه حب يعني؟
ضحك مهاب و هو يعود بظهره للخلف متكاً بظهره علي مقعده : هههه مالك ع الصبح ياسليم ركز و افتكر ازاي كانوا حضنين بعض
نظره الأثناء الي ياسين و هو أحرج و حمحم و هو يحاول إيجاد كلام يبرر لهم به
: احم احمم هو يعني كح احم احنا بنحب بعض بس موضوع الحضن ده يعني عشان بس كنت واحشها من وقت ما سافرت و احنا مشفناش بعض و كمان مكنتش بكلمها كتير بس و الله دى أول مره تحصل.. اميره مش كده هي و اللهي بنت محترمه جداً متخدوش بالظاهر انتم لو عرفتوها هتتاكدو من كلامي هي و الله مش كده عارف ان اللي حصل ده غلط
سليم بثبات: و لما انت عارف عملته ليه.؟
اخفض ياسين بصره و لم يرفعه الا حين سمع صوت ضحكت مهاب..
مهاب : ههه مالك يا واد فيها إيه دي بنت عمك يعني انت أوله بيهما من الغريب و سوا دي اول مره او حصلت قبل كده ف ده خلاص مش هنكلم فيه احنا لينا اللي جاي ناوي على إيه احنا بناتنا مش لعبه ف لو فعلاً شريها تدخل البيت من بابه
ياسين بسعاده قفز من مقعده : بجد يعني محدش فيكم عنده مانع إني علي ارتباطي ب أميره؟
سليم بابتسامه : احنا أكيد معاك في اللى يسعدك الدور و الباقي بقي على ابوك هل هيتقبل العلاقه دي و يوفق و لا
قطعه ياسين سريعاً : انا كلمت بابا و هو موفق و كان فرحان جداً بس قالي أصبر لحد ما الأمور تتضبط و انا هجوزهالك
مهاب بابتسامة : علي بركة الله.. مبروك يا يايسن
ياسين : الله يبارك فيك
*****************#بقلمى_برنسيسN
هنا سمعوا أصوات مرتفعه للنساء..
خرجوا وجدوا سماح و رقيه يتشاجرون و أميره تقف ب المنتصف حتي تمنع رقيه من ضرب سماح
سماح بغضب : انتي بت قليله الأدب ومش لقيه حد يكسرك
رقيه بنفعال : كسر رقبتك يا بومه انا متربيه احسن منك ومن بلدك كلها
ذهب إليهم ياسين : في إيه ع الصبح و إيه الكلام البيخ بتاعكم ده عيب كده انتم مش صغيرين
تحدثت عبير : طنط سماح اللي غلطانه أخدت سلطه الذره و حطتها ل الطيور
التفته ياسين الي سماح : ليه كده يا سماح؟
سماح بجمود : انا حره و بعدين دي طعمها معفن
رقيه بنفعال : و انتي مال أهلك انتي حد قالك اطفحي منها؟
سماح : مال أهلي انا صح بت قليلة الربايه
رقيه تحول الامساك ب سماح و اميره و ياسين يمنعوها : سيبوني عليه
صاحت اميره بصوت تستغيث ب تماره : يا تماره يا تماره الحقينا
خرجت تماره من المطبخ و خلفها زوجة عمها
تماره بغضب : في إيه يا رقيه كل شويه مشكله
رقيه بنفعال : انتي عايزاني اسكتلها و هي بتشتمني و بتقول عليه مش متربيه
مهاب بصوت مرتفع نسبياً : خلاص يا رقيه (نظره إلى زوجته) يلا سماح اتاسفي من بنت عمي
سماح بعترض : هو إيه اللى كل شويه اتاسفي طب مش هتاسف و تخبط راسها ف اقربها حيطه
صرخ بها مهاب بنفعال : سمااااح
تدخلت تماره : خلاص يا مهاب الموضوع مش مستاهل اساساً رقيه مش سهله و أكيد ردت عليها الموضوع خلص متخلوناش نبدا اليوم بطاقه سلبيه و النفوس شيله من بعضها
عبير : و السلطه اللي رمتها دي هانفطر إيه؟
أميره : أنا هدخل أعمل غيرها
تماره : لا أنا عملت كورن فليكس يلا على السفره
رقيه باعتراض : تماره بقولك شتمتني
تماره لتنهي الحديث : روكي خلاص علشان خاطري
غضبت رقيه لدرجه انها شعرت بحراره بجسدها ف خلعت الجاكيت التي كانت ترتديه و ظلت ب التيشيرت النصف كم
سماح : إيه دا انتي بتالعي قدام الرجاله؟... صحيح بجحه
صرخت بها تماره بغضب و نفاذ صبر من تعمدها ل اهانتهم و اختلاق المشاكل معهم : الزمي حدودك يا مدام سماح و ملكيش دعوه تقلع تلبس ميخصكيش
حليمه بحزم : سماح يلا ع المطبخ.. غوري حضري الفطار علشان الرجاله تأكل و تروح تشوف مصلحها و حسابي معاكي بعدين
ذهبت سماح و هي في قمه الغضب
تماره بحنو ربتت علي خد أختها : يلا اطلعي خدي دوش علشان تهدى و كبري عقلك شويه متخليش التفاهات دي تقفلك يومك
حركت رقيه رأسها ب ايجاب و غادرت دون ان ترد..
وقفت تماره تنظر إلى إثر أختها و هي تتنهد و تتمني بداخلها ان تنتهي إقامتهم عند اعمامهم و يغادرو سريعاً لأنها هي الآخر لن تستطيع تحمل أسلوب سماح المستفز اكثر من ذالك
حمحم سليم ثم تحدث : متزعليش نفسك يا تماره و خقك علينا.. سماح عصبيه شويه بس طيبه بكره لما تخدو عليها هتعرفوا أنها متقصدش
لم ترد تماره فقط حركت راسها بتفهم
هنا تحدثت اميره : معلش يا ابن عمي عصبيه علي نفسها انت متعرفش روكي لو مسكتها هتعمل فيها إيه؟
ضحكت حليمه : ههه هتعمل إيه دي زي العصفوره دي لو سماح قعدات عليها هتبطتها في فرق في الأحجام يا ست المحاميه
ضحك الجميع
عبير بضحك : ههه لا حضرتك لسه متعرفيش روكي دي وحش لو سابت عليها هتكلها و تقولك مشفتهاش
امسك سليم خدها و هو يدعبها : ههه صدقي خفت منك انتي و اختك.. بس لحظه إيه حكايه روكي دي هي مش إسمها رقيه؟
ياسين : ايوه بس الشهره روكي أصلها بتلعب بوكس
تحدث مهاب مصتنع الدهشة ليجاريهم بالحديث : بوكس إزاي يعني في بنت تلعب بوكس مفيش حاجه اهداء من كده؟
ياسين بضحك : ههه هي دي روكي شخصيه مختلفه عن البنات
سليم بتفكير و هو يضيق عينيه : عشان كده قصه شعرها و بتصرف زى الولاد
تماره بهدوء : لا هي عمله لوك بشعر قصير بس عادي بطول شعرها.. احمم بس عصبيه و عنيفه شويه عشان كده اختارت تلعب بوكس بطلع فيه كل العصبيه اللي عندها
حليمه : يا ساتر يا رب دي علي رأي اميره لو مسكت سماح هتموتها
تحدث ياسين بجديه و هو يوجه حديثة نحو مهاب ل يحذر زوجته : ده بجد مش هزار رقيه عنيفه جداً و لو مسكت سماح هتاذيها جامد انا حضرت موقف و شوفتها و هي بتكسر ضلع شب في النادي
حليمه : يا حوستي ضربت واحد ازاي ده؟
ضحكت اميره : ههه زي الناس مش هو اللي قل أدبه يبقي يستاهل
هتف سليم بعدم اقتناع و عدم إستيعاب لاستخدمها العنف إلى هذا : تكسر ضلعه ليه عمل إيه؟
عبير بحده : ده حقير و قليل الادب تخيل السافل يوقفها ويقولها عيونك حلوه الخضار اللي فيهم ده طبيعي و لا لينسيز.؟
تحدث مهاب ساخراً : ما شاء الله قالها عيونك حلوه فقامت كسره ضلعه
حليمه بحماس : طب و الله جدعه بنت ناس و متربيه و هو يستاهل يكش كانت كسرت رقبته
تماره بجديه : ياريت حضرتك تفهمي ده ل سماح لأن انا مش هقدر على روكي كتير دي بتضربني انا هي عملالي إحترام عشان الموجودين لولا كده كانت ضربتي قبل سماح
حليمه بحنان : اطمني انا هدخل اقرصلك ودنها بس انتي متزعليش
تماره بابتسامه : شكراً ل حضرتك
قالت اميره و هي تغمز إلى تماره و تمازحها :سيبك من سماح و روكي و قوليلي إيه الجمال ده جبتي البس ده منين؟
تماره بابتسامة : طنط حليمه اللي جبتهولي.. حلو؟
عبير : يجنن عليكي قمر
كانت تماره ترتدي عبائه منزليه فضفاضة ذات اكمام مزينه ببعض الرسومات من الورد و الفراشات...
ياسين : بقولك يا ميرو إيه رايك تلبسي كده هتبقي حلوه عليكي
أميره بتذمر: ياسين سبني في حالي الله يخليك مش كل ما تشوف وشي تقعد تقولي تلبسي كده وما تلبسيش كده سيبني في حالي شويه بقى حرام عليك الجو حر اصلاً
ضحك ياسين : كل ده عشان بقولك جربي البسي العبايه
أميره : ايوه يا حبيبي كل مره تقولي جربي وبعد كده حلو عليكي يا أميره اثبتي على كده دالوقتي بتقولي البسي عبايه و شويه و تقولي اتحججي
و صع ياسين يديه داخل جيوبه و تحدث و هو يرمقها بابتسامه : يا ريت والله فكره.. الحجاب هيبقي قمر عليكى
أميره بجمود : No comment... يلا نفطر علشان كلامك بقي رخم و كله أوامر و حاجات رخمه
تماره : خلاص يا ميرو يلا ع السفره بقي كفايه رغي
*****************#بقلمى_برنسيسN
ذهب الجميع و جالسو حول مائدة الطعام هبطت رقيه و انضمت لهم..
هند بفضول : هو أنتو بتكلوا إيه يا أميره؟
اميره : كورن فليكس تجربي
هند : اه يا ريت.. حلو ده؟
ردت عبير و هي تأكل تلذذ : جميل جداً و خفيف
لوت سماح فمها : عايزه تجربي إيه ده عيش ناشف و بيحطوا عليه لبن من التلاجه من غير ما يتسخن بلا قرف
تحدثت رقبه ساخره منها متعمده اهانتها : ها ههه عيش ناشف إيه ازاي مش عارفه الفرق بين العيش و الكرن فليكس.. انتي جاهله ولا إيه ؟
توترت الأجواء و احمر وجه سماح بغضب و هي تحاول تدارك اهانتة رقيه لها : فيها إيه يعني اللي اتعلموا اخدو إيه الواحده مسيرها لبيت جوزها
فتحت أميره فمها بندهاش : يعني انتي بجد مش متعلمة omgازاي ده.؟
حليمه : سماح مش بتحب التعليم خالص كانت بتاخد السنه بتلاته و أربعه عشان كده قعدت و مكملتش
ضحكت رقيه : الغباء مطلعش حاجه جديده عليها و ده يبرر طريقتها
هتفت بها تماره بحده : احنا علي الأكل عيب كلامك ده لمي لسانك شويه و راعي شعور الآخرين
زفرت رقيه بحنق و لم تبالي لها و عادت تأكل...
حدثها عز متسائلاً: انتي خريجة إيه يا رقيه؟
رقيه بجديه : أنا معايا بكالريوس تجاره انجليش و كمان عملت دبلومه في إدارة الأعمال و حصلت عليها بتقدير إمتياز من الجامعه الامريكيه
هند بإعجاب : ما شاء الله عشان كده بتشتغلي في بنك طب بتعرفي لغات كتير علي كده؟
رقيه بثقه : آه طبعاً انجليزي و فرنساوي و إيطالي و شويه روسى
أميره : و انتي يا هند متعلمتيش بردو؟
هند بنفي : لا ازاي اتعلمت طبعاً انا معايا دبلوم زراعه مع ان كان نفسي ادخل ثانوي عامل و بعده اخد كليه بس الظروف وقتها مسمحتش غير ب الدبلوم
تماره بابتسامه : كويس جداً.. أحسن من مفيش و ان شاء الله تعوضي في ولادك و تدخليهم كليات كويسه
عز بابتسامة : ان شاء الله البنت اللي جايه تطلع دكتور زيك
تماره بمحبه : ان شاء الله و أحسن مني كمان
نظرت عبير إلى هند : مش حضرتك عندك بيبي تاني هو فين؟
إجابتها هند بابتسامه : عند ماما عشان انا تعبانه مش بقدر أخلي بالي منه و من طلباته و أمير بيحب يفضل هناك
اميره : الله اسمه امير و انا اميره لا انتي تبعتي حد يجب سمو الأمير ده احنا هنخالي بالنا منه و لما نمشي أبقى ابعتيه تاني
إجابها عز : بس كده قبل ما أروح الشغل هجبهولك
وجهت تماره حديثها إلى هند : هند لازم تعملي التحليل اللي قولتلك عليها
هند : تمام هروح بعد الغداء يكون المعمل فتح
ربت عز علي يديها باهتمام : ان شاء الله و انا هاجي معاكي
رقيه : تيمو هو انا ينفع انزل مصر و اجي بالليل
تماره : لأ مينفعش انسي
رقيه : ليه بس طيب هرجع علي الغداء بليز يا تيمو
تماره بحده : قولت لا ممنوع لما عمك يرجع بسلامه هننزل كلنا مع بعض
مدت حليمه يدها و وضعتها علي كاتف رقيه و سالتها باهتمام : عايزه تنزلي مصر ليه يا رقيه؟
رقيه بتكشيره : عندي تمرين و الكوتش هينفخني
ضحكت اميره : ههه تستهلي و الله ما ليكي إلا حازم هو اللي بيقدر عليكي
شهقت رقيه : نعم حازم مين يا أم حازم انا بسكت له بس عشان المدرب بتاعي مش موجود بس اول ما الكوتش سامي يرجع هطحنه علقه بس اصبري عليه
ضحكت سميره : هههه عايزه تضربي المدرب بتاعك يا قدره
رقيه بتوعد : اضربه بس دانا مش هخلي في وشه حته سليمه بس اصبري دا زللني و ههد حيلي في التمرين
تماره : مش عشان مصلحتك و بعدين عيب كده ده المدرب بتاعك
ردت رقيه بسخرية : ايوه ياختي مين يشهد للعريس
ضحكت عبير : هههه العروسه هههه
تركت تماره المعلقه و صرخت بهم بضيق : و الله أنكم رخمين
حليمه : إيه حكايه العريس و العروسه دول ما حد يفهمنا؟
ياسين : الخوار بختسار : ان الكوتش حازم عايز يخطب تماره
هنا رفع مهاب رأسه و نظره لها لم تلاحظ و لكن سليم لاحظ تغير ملامح مهاب و ظفر الهواء من فمه و هو يتمتم ب شيء ما بصوت غير مسموع..
حليمه : وانتي رأيك إيه يا عروسه؟
تماره بثبات : عادي يعني هو طلبني من بابا قبل ما يموت بحاجات بسيطه و بعدها بابا تعب ومات ما تكلمناش في الموضوع ده تاني لأن اصلاً في كذا حد اتقدم وقتها بس بابا كان بياجل
نقل سليم نظره بين مهاب و تماره ثم سالها ب نبره مهتمه : طب و انتي رايك فيه إيه شايفه شخص مناسب و مؤهل للارتباط
هنا توترت تماره : عادي يعني هو حازم بني ادم كويس و محترمه انسان متعلم ومثقف ومن عيله كويسه و شخصيه جديه في تعاملته مع البنات و ديماً بيراعي حدوده و كل بيشهدله بحسن الأخلاق
عز بمزاح : ما تقولي موفقه و خلاص
ضربت رقيه بيدها فوق الطاوله : علي جثتي لو حصل ده رخم و بارد و مفتري.. مستحيل يبقي عريس أختي مستحيل
سميره بغيظ : اتهدي انتي مالك ما تسبيها هي حره خالكي في نفسك.. . لما نشوف هتجوزي امتا؟
رقيه بسخرية : هههه في المشمش ان شاء الله.. جواز ايه بلا قرف انا كده فل اتجوز و واحد يقولي مش عارفه إيه و إيه بلا قرف انا مليش في الجو ده و البسي علشان خارجين لا مليش
حليمه بضحك : ههه و الله ما فهمت حاجه انتي رافضه و خلاص معندكيش أسباب
رقيه : لا عندي أولهم أن مفيش رجاله اصلاً اللي منتشر في السوق كله توتو الرجاله متت في الحرب الموجودين دول شويه كسر و أي كلام
حمحمت سميره : احم لمي نفسك في رجاله قعده
رمقت سماح رقيه بقرف : ايوه قوللها يا ست سميره عيب كده.. دي كده بتهين ولاد عمها
امسكت رقيه الشوكه و ابتسمت بخبس و هي تحرك يديها بحركه دائريه تحوي علي تهديد : انتي هتظيطي ولا إيه نظامك انا بتكلم في حاجه تانيه مليش دعوه ب ولاد عمي.. اقصري الشر احسنلك و متصطديش في الميه العكره لاني بحد جبت اخري و نفسي أقوم
كممت تماره فهم اختها بيدها...
تماره بمحيله : قلب اختك حببتي خلاص انا عارفه انك مني علي أخرج بس معلش بكره بالليل بالكتير هنمشي استحملي بليز
هزات رقيه رأسها ب الموافقه رفعت تماره يدها الجميع يتابعون بابتسامه
إلا مهاب و سليم ينظرون ل بعضهم من وقت للآخر و يحركون رؤوسهم بعدم رضا عن سلوك الفتيات و خصيصاً رقيه...
وقف مهاب و قال بصوت رجولي تملأ الثقه و الثبات : أنا ماشى يا أمي
ابتسمت حليمه : بسلامه يا ضنايا ربنا يحفظك و يوقفلك ولاد الحلال
قبل يدها و رأسها ثم اعتدل و وجها نظره إلى سماح : و انتي يا سماح كلمه كده كلمه ولا كده اي مشكله أرجع القيقي في بيت ابوكي عشان لو لقيتك هنا هتبقي وقعتك سوده مفهوم
ردت سماح بخوف و طاعه : مفهوم يا سيد الناس
غادر مهاب و لحق به سليم و عز مره اليوم بأحداث شبه عاديه جاء وقت الغداء و انتهاء الغداء في هدوء فسبب المشاكل سماح صمته خوفاً من زوجها...
بعد الغداء يجلسون جميعاً ب الحديقه و يتبادلون الحديث...
سليم : و انتو هتبيعوا الارض يا تماره و لا هتخلوها
تماره : مش عارفه لما نشوف الواصيه و نوزع الورث و نشوف هيطلعلنا إيه؟
تحدث مهاب و الذي ينظر للاسفل و بيده سبحته يسبح و يستغفر عليها: أي ارض هتطلعلكوا لو قررتوا تبيعوها انا موجود لو لا بردو انا موجود انا و سليم و هندير الارض زي ما كان عمي عايش و الفلوس تجلكم لحد عندكم
إجابته تماره بإبتسامة : أكيد طبعاً انت اوله من الغريب متخفش لو هنبيع أنت هتكون المشتري أن شاء الله
حرك رأسه بايجاب و عاد ل تسبيحه و سليم يتابعه بابتسامه و هو يراه يحاول جاهداً بمنع نفسه من رفع رأسه....
تحدثت رقيه باعياء و هي تضع يدها فوق معدتها : تيمو انا تعبانه اوي
امسكت تماره وجهها بقلق : مالك يا حببتي حسه ب إيه؟
اخفضت رقيه راسها و هي تحاول ان تتنفس و لات تسطيع بسبب شدة الألم : بطني بتوجعني اوي آه مش قدره حسه اني هموت
أميره : هروح اجبلك مسكت ؟
امسكت رقيه يدها و منعتها : لا مبحبش المسكن بس الوجع زاد أوي عايزه دواء مش عايزه مسكن
وقف سليم : قومي اوديكي المستشفي
رغماً عنها ارتفع صوتها بالم : آه اااه... ياريت يا سليم لاني مش قدره
تماره : استني هلبس واجي
مهاب : اطلعي البسي و هي هتروح مع سليم واحنا هنحصلهم
تماره : تمام يا رتني جبت الشنطه بتعتي كنت كشفت عليها.. انا هرجع فوراً
ذهبت تماره... حاولت رقيه ان تقف و لكن خل توازنها و وقعت و هي تتألم بشده و تصرخ بعدم تحمل للألم تجمعوا حولها بقلق ابعدهم سليم و حملها سريعاً و ذهب نحو سيارته ذهب معه ياسين و اميره اما مهاب ف انتظر تماره التي عادت و هي تركض و ذهبت معه بسيارته و ظل الباقين بالمنزل بأمر من مهاب و الذي رفض حتي أن يصطحب سميره و عبير و امر عز أخيه ان يظل معهم و هو سوف يتصل و يطمانهم... يتبع... تحياتي برنسيسN
نرمين_السعيد
عشق_المصراويه
لمشاهدة الفصل الأول
لقراءة الفصل الثالث